日本旅遊達人林慧美（May Lam）日前在她的專頁發表「凌晨機百態」一文，事緣她遊日返港坐 HK Airline 的凌晨機，寫出自己所遇上的4類冇品的凌晨機乘客，看到凌晨機乘客的百態，引來不少網民的共鳴和討論！GOtrip 編輯部訪問了她本人，原來她以前也遇過不少機艙上的冇品行為，呼籲大家謹記公德心、同理心是好重要的。
text： 林慧美（May Lam）| photo： 新傳媒集團、林慧美
凌晨機乘客百態
01 | 斯文港女 一上機即霸幾行架
兩個斯文港女，將兩個行李袋打橫獨佔整個頂架（明明直插可慳到半個架畀他人），
再將四個手信紙袋分兩行橫放前面架上，即是覇了兩個架共三行座位的地方。
網民：好自私！
02 | 買咗六個機位 都冇行李架用
一家六口最遲上機，見到頂架冇位，問空姐點解買咗六個位都冇行李架用？
網民：日本返香港，已經預咗頂架唔會有位。
03 | 小孩大吵大鬧 家人全程無理
四人家庭，爸爸和約5歲兒同坐，凌晨機全機瞓晒，5歲兒突然不停破喉尖叫，爸爸唔理唔睬繼續瞓。
網民：一個喊，其他小朋友跟住喊。
04 | 無視他人 嘈到爆！
一對情侶，又係全機瞓晒，兩個人睇同一個屏幕，一睇到笑位就大聲狂笑，有驚嚇位就大叫。
網民：機艙以外，搭巴士很常見！
05 | 座位有尿味
編輯也訪問了 blogger 林慧美本人，她訴說搭飛機遇過最離譜的一次是，一上機去到自己的座位，即聞到伸腳處地下有陣尿味，明顯是上手有人隨地小便。
06 | 食完飛機餐 冇手尾
同時，blogger 也留意到乘客在食完飛機餐後，將包裝、杯碟周圍亂放，疊成「垃圾山」！實在難為空姐空少去收。
因此，希望可多點體諒別人，呼籲大家坐同一隻機又係香港人應守望相助，要做個有公德心的乘客。