情人節唔出街食?另一半聽到可能已經覺得你唔重視情人節,但其實只係唔想再畀「節日價」……

情人節出街

為情人節 窮學生願花大錢 戀愛大過天

以前仲係學生時代,到咗2月14呢啲敏感節日,一係就聽到單身狗慘叫嘅聲音,一係就直接人都消失埋,2月13日有48小時呀!

而有得拍拖嘅情人們都會出下街、食餐飯咁,但對於窮學生嚟講,一餐「節日價」嘅晚餐真係會喊出嚟……

但嗰時可能戀愛大過天,一次半次都好願意畀,儲儲埋埋成個月零用錢。

「I am all in~」

花過千元食飯 寧願花錢旅行

反之現時踏入社會,雖然已經叫做有能力搵到錢,但反而變得唔想出街消費,更加唔想去啲餐廳畀「節日價」。

之前同朋友傾開呢個話題,似乎佢哋都好有同感。

咪係,成千蚊食一餐飯,有錢都唔會咁樣使……

雖然啲人成日話一年一次,但我同女朋友都平淡簡單咁過,反而寧願將呢啲錢用喺其他地方玩、去旅行好過。

其實佢哋都講得有道理,唔係話情人節唔理、唔慶祝,只係覺得用「100蚊食平時20蚊嘅嘢」好唔值……

過節必備貴價禮物?小手作更窩心

加上期間仲要好多「情人節商品」推出,買花、買情侶錶鏈等,可能第一次過情人節嘅朋友都會覺得值得、一定要做,但有時其實自製一啲小禮物嚟得仲窩心:) #好似紀念相簿 #手作仔咁。

雖然咁講好似搞到情人節好商業化、好慘咁,haha,

不過點都好啦,無論使唔使錢、點樣慶祝都好,最重要身邊仲係佢~仲係你最愛嘅嗰一位。

只要兩個人開開心心,老套啲講句,係咪情人節又有咩所謂~~

駐場博客

Ig: hottofuzai

fb: 熱豆腐仔

延伸閱讀:情侶遊澳門|慶生、周年紀念必睇!2日1夜食玩行程懶人包(附生日優惠)

情人節禮物有什麼推薦?

情人節將至,與另一半慶祝節日時,不要忘記重要的情人節禮物,精選出一系列男女朋友必愛又實用的禮物,求生必睇:女朋友篇男朋友篇

情人節朱古力有什麼推介?

各大朱古力牌子禮盒及自製朱古力也是一個好選擇,大可一覽情人節朱古力推介