Sanrio精品 買公仔 元朗千色匯｜本港一名女網民於11月14日到元朗千色匯Sanrio Gift Gate分店，排隊6小時購買限量版Usahana公仔，付款後卻發現貨品被店員誤賣予其他顧客，事件因店方處理方式掀起熱議。事主拒絕退款兼留守店內，最終一等便接近10小時。
排頭位捱餓6小時付款後貨品失蹤
女事主在社交平台Threads表示，於11月14日上午10時元朗千色匯商場開門後已到Sanrio Gift Gate分店排隊，目的是為了購買兩隻限量版Usahana公仔。她排在首位，「排隊第一個飯都無食等到4點」，直至下午4時才完成落單及付款。
不料折返取貨時，其已付款購買的2隻公仔竟被店員轉售他人，「落完單去比完錢返來 佢居然將我兩隻公仔賣左比人！」；由於該款公仔市面缺貨，事主拒絕接受退款，堅持要求店方在當日交回貨品，雙方因而在店內理論，她表示「點可能會出現呢d低級錯誤！」
經理承諾調貨再賠100元優惠券
事主其後持續更新進展，指傍晚6時25分有店員外出交收，尋回其中1隻公仔，但第2隻仍未到手，「仲等緊佢第二隻，一餐未食繼續白等中」。直至晚上7時，店舖經理回應稱正安排調貨，承諾2隻公仔會在晚上8時前送抵，同時提出賠償100元優惠券。現有資料未見品牌另發公開聲明，店方現場安排遂成為事件中主要回應。
苦候近10小時終在限時前取貨
事件最終在晚上7時48分迎來轉折，事主趕及店方承諾時限前成功取回2隻公仔，結束由上午10時開始的漫長等待。由排隊、付款、發現誤售到等候調貨，整個過程接近10小時，事主事後苦笑形容等候時間「仲長過我返工」，更Tag了Sanrio香港官方帳號表示，「歷時差不多10個鐘，仲長過我返工，終於攞得返2隻，我多謝你呀」。
網民熱議熟客留貨質疑
限量公仔雖然失而復得，店方處理失誤及賠償安排仍成為網上焦點。帖文公開短短數小時已錄得逾52萬次瀏覽，大批網民批評顧客付款後，店員不應再把貨品轉售他人，有人直指100元優惠券賠償是「當人乞兒」。
另有留言懷疑事件未必只熟客是普通失誤，質疑店員可能「偷雞」把限量貨品留給熟客或「自己人」、「一定有蠱惑 本身呢個公仔就無提前講嘅情況下返咗貨，每間有十隻，當日下午去已經話比人掃曬，官網一分鐘就無曬，但係中環就成班黃牛去排嚟炒」不過，相關說法只屬網民猜測，帖文未有提供證據證實。
多名網民建議報警：心照啦
此外，很多網民都建議報警處理，「我係事主我當場報警，一定告店員偷野，心照啦，「唔小心」賣左俾人追得返？」、「最具趣味性都係竟然追得返兩個公仔，唔信係翻賣畀自己人都唔得，事主呢個情況應該報警處理」、「呢啲一定報警處理啊」、「俾我就即刻報警處理，反正俾晒錢有單有據」、「呢啲一定報警處理 第一個客都要俾錢拎單先拎貨，點解其他人唔駛單就拎到貨？」
