愛．回家之三代同糖｜樊亦敏孖車婉婉驚變中學Twins！認輸對方着得靚啲：我哋好似返咗中學

樊亦敏浮誇橙裝返工 孖車婉婉穿校服重返校園

樊亦敏在劇中的造型百變且充滿驚喜，今晚劇情中，她首日以實習生身份到「跨世代」上班，竟以一身極度浮誇的橙色打扮登場，配上其「離地」兼「說話唔經大腦」的性格，即時引發連場爆笑場面。除了今晚的搞笑演出，Amy在之後的集數更會與車婉婉上演一幕「重返校園」！兩人將齊齊換上中學校服，化身一對孖公仔手牽手，更模仿少女「彈吓彈吓」地走路。據悉她們在拍攝攤位遊戲場口時更是少女心大爆發，玩到忘形唔捨得走，畫面充滿歡樂氣氛。

樊亦敏親解百變造型 笑認輸畀車婉婉：佢着得靚啲

對於劇中多個搶眼造型，樊亦敏接受訪問時透露是與工作人員共同構思的成果，更笑言今晚的橙色造型是神來之筆：「咁啱我有個橙色袋，就攞出嚟用。」談及與車婉婉穿上校服拍攝，她坦言勾起不少校園回憶，但亦有點擔心：「車婉婉高吖嘛，佢着得靚啲呀，哈哈！不過都幾得意，我哋兩個着得『蠢蠢地』，好似返咗中學嘅時光咁。」她希望觀眾不會覺得有違和感，並直言：「我哋自己就覺得成件事好正。」

網民洗版大讚樊亦敏：回憶返哂黎

樊亦敏與車婉婉的校服造型劇照流出後，隨即引來網民洗版式討論，大讚造型充滿驚喜。不少網民留言力撐：「Amy姐carry得好好喎！完全無違和感！」、「好想快啲睇到呢集，兩個加埋百幾歲扮學生妹，肯定好好笑！」、「呢個組合好新鮮！車婉婉同樊亦敏好有火花！」、「見到佢哋着校服，啲青春回憶返哂嚟！」、「樊亦敏真係好可愛，個橙色袋好搶！」