Yvette換人Kyle扮嬲追問 關係曝光全場嘩然
在水上遊戲環節後，勝出的Yvette獲得與Oswald單獨約會的福利，以及一個「換人權」。她毅然決定將Kyle換入自己組，令Kyle大感不解，並在傾偈環節中扮嬲追問：「你做咩叫我過嚟？」Yvette解釋本來就想選他，只是礙於順序未能如願。在場的Carman及Step即時嗅到八卦氣味，追問二人如何認識，Yvette平淡回應：「我哋係咁啱 Agency 有個類似嘅 Gathering，你知啦，男仔鍾意識吓女仔好正常。」沒想到Kyle竟拋出震撼直球：「但我淨係識你咋喎！」此話一出令全場嘩然，氣氛瞬間變得曖昧又緊張。
Yvette激動爆喊剖白心聲 「所有愛情都係脆弱」
在眾人「撥火」下，Kyle鼓起勇氣追問Yvette：「咁你又同 Oswald 食飯？」這個問題似乎觸動了Yvette內心深處，她一時口窒窒，嘆了一口大氣後竟突然情緒崩潰，當場扁嘴兼雙眼通紅，Kyle見狀亦立即別過臉，似乎強忍淚水。Yvette抹著眼淚哽咽說：「我好少可有一個，唔好講朋友／密友，好少有人喺我身邊咁多年…有好多事都會互相分享。」事後她向製作組補充，坦言害怕失去這位摯友：「一段關係可以 hold up 到咁耐，其實係好 touched 嘅一件事，所有愛情我覺得都係脆弱同埋有個時限，既然我同佢可以 last 到咁耐，我唔想可能因為大家有感情咗之後就冇咗。」
Kyle首揭大學已心動 哽咽自爆因自卑卻步
看到Yvette為自己落淚，Kyle亦大為感觸，坦承分享了當年不敢追求女方的原因：「我覺得嗰時我仲係一個小朋友，我覺得 Yvette 係一個需要人照顧嘅人，我覺得我嗰時大學生，乜都冇，乜都仲爭取緊，我畀唔到一個…唔知哩！」事後Kyle接受訪問時，重提當年的自卑感再次忍不住哽咽，言談間充滿遺憾：「人係會慢慢慢慢行埋，但唔知點解就會慢慢慢慢行得疏遠」、「開始一段感情前，我好多時都好卻步，都會問自己可唔可以畀到啲嘢人先至開始…所以一直同陳星妤嘅呢段關係，我唔敢再提起，我唔敢再…正面咁去面對。」節目更曝光二人大量昔日合照，青澀模樣見證著這段錯過的感情。
網民睇到眼濕濕力撐 「說中好多男人心底話」
這段虐心的「友達以上」關係曝光後，引爆網民熱烈討論，不少人都被二人的真情流露所感動，紛紛留言希望他們能修成正果。「好寫實，往往就係想好好保護一份友好關係，唔想冒險」、「好真實，初出茅廬憑咩下承諾，在旁守護才是真心好」、「一唔一齊都好，Keep 到做好朋友係好事」、「今集對 Kyle 完全改觀，佢說中咗好多男人嘅心底話：『當年自己乜都未有，點畀到她幸福』，Kyle 唔好諗太多，可能女神一直等你行前一步，加油」、「Kyle 段心底話令人聽得好心疼」、「今晚最感動，so far 他們兩個係咁多集以來最真誠嘅表達！當那刻 Yvette 喊嘅時候，我看到 Kyle 心裏都好有感覺」。
