吳業坤偷襲失手 隱形墨水直噴江美儀手臂
事緣坤哥歸隊後，與振朗及GM在車上見美儀姐正在熟睡，竟心生歹念，決定用隱形墨水偷噴她的衣服。三人以「猜包剪揼」決定順序，由振朗打頭陣並順利得手。豈料輪到坤哥時卻老貓燒鬚，不慎將墨水直噴到美儀姐的手臂上，瞬間令她從睡夢中驚醒！美儀姐驚見手臂和衣服上有藍色斑點，一臉錯愕問道：「點解件衫有藍色嘅？漏水呀？」三男見狀立即「戲精」上身，扮作若無其事。
張振朗棄暗投明秒自保 踢爆坤哥係主謀
雖然三子扮傻，但美儀姐的直覺極準，隨即將矛頭直指剛上車的坤哥：「之前都冇事㗎喎，係你嚟先至咁！」眼見形勢不妙，張振朗竟搶先自保，秒速「棄暗投明」出賣兄弟，指著坤哥說：「我棄暗投明呀！係坤哥教我㗎！」慘遭出賣的坤哥頓時心虛得高呼想落車，並試圖拖GM落水：「GM 你講喇，因為我同振朗都噴咗一嘢。」
GM急劃清界線反被圍攻 江美儀嬲到擰歪面
面對坤哥的求救，GM見勢色不對，急急劃清界線：「佢哋兩個都認咗啦，得我冇噴咋！」以為可以置身事外，沒想到美儀姐眉頭一皺，冷靜反問：「咁點解你唔制止佢哋？」此時，張振朗再度爆大鑊，踢爆GM原來幾日前已對美儀姐「落手」！眼見整蠱計劃被完全揭穿，美儀姐面色一沉，嬲到「講不出聲」並直接擰歪面，嚇得三子立即將整蠱大計和盤托出，並瘋狂道歉求饒。
網民熱議三男下場：美儀姐真係嬲咗
這段充滿戲劇性的整蠱片段引發網民爆笑，紛紛留言討論三位男主持的下場。有網民笑稱：「笑死，兄弟就係用嚟出賣嘅！」、「睇到美儀姐個樣，真係嬲喎，今次玩大咗！」、「坤哥老貓燒鬚太好笑！」、「振朗轉軚轉得勁快，生存意識好強！」、「好想知最後點收科，美儀姐會唔會罰佢哋？」
