昨晚醫院震撼對峙 張智霖挑機辣㷫江美儀
劇中講述張智霖飾演的孝賢殺到醫院，面對江美儀飾演的丁麗明，先是笑著向上望，然後全程望住地下，語氣平靜但句句有骨。張智霖則擺出挑機姿態，勢要激怒對方，更語帶輕蔑表示：「你唔認得我呀？我認得你喎，你化咗灰我都認得你喎」，甚至稱呼對方為「大媽」，直言：「我係嚟接你返屋企架，大媽。」為了進一步刺激丁麗明，孝賢更下跪趨前，奸笑著以輕蔑眼神逼問：「你到底真癡定假傻？」
江美儀眼神秒速變臉 揪領怒吼張智霖
面對孝賢的步步進逼，丁麗明起初仍能霸氣回應：「真同假你識分咩？」但當孝賢使出「大絕」，提及她最疼錫的兒子孝君「瀨晒嘢」，「佢好快連主席都冇得做」，丁麗明眼神中的笑意瞬間消失，只剩下「皮笑肉不笑」的表情。愈聽愈火的她，眼神殺氣漸露，最終情緒失控，激動地揪著孝賢的衣領，由輕聲拷問：「你對佢做過啲咩嚟？」演變成咬牙切齒地怒吼：「你對佢做過啲咩嚟呀！」而成功激怒對方的孝賢，則全程掛著猙獰奸笑，二人一來一往的對決堪稱經典。
視后霸氣回歸突下跪 嚇窒張智霖宣布投降
除了醫院戲，二人同晚還有另一場精彩對手戲。劇情講述剪了一頭俐落短髮、身穿白色套裝霸氣回歸的丁麗明，在官家眾人面前，竟出其不意地向孝賢下跪並宣布「投降」：「孝賢，係我毒死你阿媽，唔關佢兩個事，我依家跪低同你認錯，你想要我哋一半身家冇問題，全部賣晒畀你！」面對丁麗明如此「順攤」，城府極深的孝賢自然不信，直到孝君答應收手，孝賢才冷笑著扶起丁麗明說：「你跪我，我點受得起。」
網民洗版激讚：演技教科書！
這兩場戲播出後，網民反應極為熱烈，紛紛洗版大讚兩位主角的演技。留言包括：「呢兩分鐘真係睇到我唔敢呼吸！神級演技！」、「張智霖個奸笑樣真係好心寒，但又好型！」、「江美儀由笑笑口到爆發，個層次感屈機，不愧係視后！」、「求下你哋兩個再鬥多幾場，太好睇！」、「呢啲先叫戲味，TVB近年最佳對手戲！」
