梁超怡電眼強攻Oscar 食鞋帶糖衣衫盡濕
在「心跳電話亭」環節中，屬於較怕醜類型的Oscar被梁超怡（超怡）選中。為求爭勝，超怡全程採取主動，先以「有冇戴 Con」打開話題，更乘機與Oscar來個「密集式眼神交流」，強勁的「電眼攻勢」令在場的「花生團」都大嗌「頂唔住」！之後兩人執行食鞋帶糖的任務，期間的甜蜜互動被形容為「甜爆黃金畫面」，令花生團再度驚嘆，Sophie直指：「啲角度好似度好晒咁」，Bob亦不禁讚嘆：「（超怡）個眼神真係不得了。」最終Oscar更揚言玩到「竭一竭」，連衣衫都濕透！
梁超怡大膽表白：我鍾意鼻高嘅人
當Oscar好奇問超怡為何選擇自己時，超怡毫不掩飾，坦承回答：「因為你個鼻，我鍾意鼻高嘅人。」之後兩人話題更伸延至「混血」及「大眼睛」，超怡全程主導話題，引導Oscar最終給出「我鍾意大眼嘅女仔」的答案。為了節目破例變得主動的超怡，聽到答案後即心花怒放，冧爆回應：「我鍾意你呢個回答。」現場氣氛瞬間變得極度粉紅。
花生團大嗌頂唔住 網民：畫面太犯規
節目播出後，網民反應熱烈，紛紛被超怡的主動攻勢震撼！不少留言都指場面非常甜蜜：「超怡好勇！Oscar完全被食住！」「食鞋帶糖嗰幕真係睇到我心都跳埋出嚟，太犯規啦！」「Bob個反應根本就係我本人，真係頂唔住！」「怕醜仔遇上主動女，呢對CP我鎖死！」
