Hepta窩心舉動三連擊 Mandy感動眼濕濕
Hepta在節目中對Mandy的體貼可謂無微不至，完全超出素人水準。在拍攝前已為Mandy準備眼藥水；在心跳電話亭環節前，更送上集合Mandy「最愛食物」和「生日願望」的「快樂小狗格仔餅」。進入電話亭前，非圈中人的他竟細心問Mandy：「你邊邊面靚呀？」，令Mandy和花生團的Maggie都大為驚艷。Mandy在電話亭中坦言：「因為咁大個女冇人好似頭先咁你搣啲肉畀我食，我諗細個哥哥幫我做過，所以嗰吓我都感動嘅。」由於Mandy說時眼泛淚光，Hepta更溫柔地接連三次輕拍她的頭安慰，場面極度甜蜜。
Hepta照顧情敵獲激讚 遞紙巾一刻封暖男
Hepta的善良不僅限於心儀對象，他對待競爭對手東東（吳旭東）的態度更令網民激讚。當Mandy選擇了他而令東東感到失落時，Hepta第一時間上前拍拍東東的膊頭以示安慰。之後見到東東忍不住落淚，Hepta更立即掏出隨身攜帶的紙巾給對方，這個「紙巾暖男」的舉動瞬間融化了所有觀眾的心。網民大讚他有同理心，並非只為討好女神，而是真心善良。
Hepta驚人背景曝光 年薪50萬兼超專一
隨著Hepta一夜爆紅，他的背景亦被極速起底。據資料顯示，Hepta的職業是量化交易員，年薪高達50萬港元，而且動靜皆宜，專長是排球及業餘健身。更令人驚訝的是他報名參加節目時所展現的專一程度，在擇偶條件一欄，他直接寫上「Mandy 就係我嘅理想型」。之後在參加原因一欄，他更Man爆宣言：「如果 Mandy 畀隱藏女神取代退出節目，我會同佢一齊退出」，專一到極致的態度讓網民為之瘋狂。
網民列3大原因更勝內地男神
網民列出Hepta的優點：「睇完今集真係對hepta改觀！！ 係真係feel到真誠同埋有心 而且都好細心 諗嘢又唔會太過負面 睇完幾集之後對比起東東 佢情緒相對上穩定好多！ 東東有少少太過情緒主導+pua 最多適合做男朋友，但係唔係好啱Mandy想搵一個結婚對象嘅心」。
網民洗版式好評：對身邊嘅人都好好
經過昨晚一集，Hepta的支持度直線飆升，網民對他的好評不絕：「鍾意幫人之餘，幫嗰個係佢競爭對手，情緒非常穩定（睇佢心跳），今集加晒佢分」、「Hepta 真係一個超級大好人，鏡頭內外唔單止對女神好貼心，連競爭對手佢都會好關照」、「個個回合（無論贏輸）都大方笑笑口唔令女方尷尬難做，嗰種真心照顧其他人嘅舉動，對 Hepta 加分」、「Yesss 對心儀嘅女仔好唔代表啲咩，但對身邊嘅人都好好，就證明佢真係一個有同理心、善良嘅人。」
