丁標Man爆發表淘汰宣言 感動Amber上演離別擁抱
最新一集有4位求愛勇者被淘汰，當中以丁標的離開最為感人。當女神Amber為自己不知情、未有以心動吊墜保護他而致歉時，平時極孩子氣的丁標忽然變得成熟穩重，Man爆回應：「好開心有呢次機會正正經經講出我嘅諗法，咁冇就冇，it’s ok！」說完兩人更上演了一幕感性到極點的「離別擁抱」。丁標隨後更感性地發表淘汰宣言：「好多謝你第一下邀請我，第二下撳咗燈，我哋真係成功 match 咗，亦都好成功喺五角形枱同你面對面傾到偈，呢個可能就係一個緣份。」節目結束後，丁標亦在社交網站大方留言祝福Amber：「喺呢度祝你搵到你嘅幸福，享受接下嚟嘅旅程」，盡顯風度。
網民一面倒力撐丁標 主持人Bob都睇到眼濕濕
對於「可愛丁標」被淘汰，大批網民都大感肉緊和不捨，紛紛留言為他打氣，輿論幾乎一面倒力撐他。「丁標咁努力都 foul 有 d 可惜」、「丁標表現得好好，幾可愛，每 Round 都好努力爭取」、「丁標真係盡力又超級投入，同Amber 都相處唔錯」、「丁標內在絕對唔差，相信往後會有女仔識得欣賞」、「唔使灰心，相信透過今次節目有更多人認識，欣賞你，樂觀正面性格」、「丁標應該留低，佢好真誠」。就連節目主持人林盛斌（Bob），亦在社交平台坦言被感動，留言大嗌不捨：「丁標最後嗰一幕，竟然睇到我眼濕濕，黐線！」
