《地獄大狀》導演發揮「星戰迷」情結 陰間酒吧注入經典科幻元素
劇中地獄酒吧的場景設計頗有經典科幻影視作品的影子，甚至帶有《星戰》（Star Wars）及衍生劇《曼達洛人》（The Mandalorian）中各式外星種外族聚首飲酒的既視感。導演黃偉傑早前在《爆谷一周》笑住承認自己是個忠實的科幻片迷：「行內人都知我係星戰迷。我本身係一個科幻片迷，接到地獄劇本嘅時候，知道杜Sir提議地獄係『鏡』嘅世界，我向編審何靜怡提議，不如個 Approach科幻啲啦！因為我哋唔會拍返傳統中式嘅概念。」
破格融入《電子世界爭霸戰》創造無限鏡像
劇中的地獄「鏡面世界」概念，最初由師祖爺杜琪峯提出「來者即見，去者不留」的哲學思考，而黃偉傑與團隊則將其落實為具體的科幻美學。在畫面風格與視覺細節上，黃偉傑透露主要參考了《Blade Runner》與《電子世界爭霸戰》 當中又有Marvel電影近年「量子世界」的概念
《地獄大狀》實景搭建「量子領域」多重宇宙
黃偉傑進一步解釋如何運用實景搭建「量子領域」與幾何反射來建立空間感：「譬如閻王嘅辦公室，喺佢嘅一個世界裏面，真係一個量子裏面嘅宇宙嚟嘅，我哋透過個六角形嘅萬花筒，其實佢再反映嗰個又係另一個閻王嘅世界。所以每塊鏡都會係一個世界，變成你幾塊鏡嘅時候無限無限，就會變咗一個好大好大嘅世界。」
鏡中鏡極致避穿崩 主角 Lokman 都被「玩暈」
為了完美呈現這種量子鏡像疊加的迷離感，劇組在拍攝時落足了功夫，甚至多次現場上演「鏡中鏡」的極致視覺遊戲。黃偉傑分享現場拍攝的樂趣時笑言，有時甚至連鏡頭拍著的是真人還是倒影都分不清：「我哋拍嘅時候好得意，我哋拍鏡面嘅MIRROR 嘅 Lokman。實景拍鏡中鏡嘅時候，佢都未必知道原來我拍緊塊鏡裏面折射出嚟嘅佢！」
畫面陰涼實質高溫翳焗 演員自爆「底褲都濕埋」
劇中的「地府」場景在最炎熱的夏天進行拍攝。為了營造地府陰森神祕的氛圍，製作團隊用黑布將現場全面圍封，並不斷以煙機發放大量煙霧。 由於現場需要同步收音，拍攝期間不能開啟冷氣或風扇。加上 Lokman 的閻王造型是厚重、缀滿飾物的英式軍服，令整個拍攝環境極度悶熱與焗促，成為他自言拍劇以來「最辛苦、最考驗耐熱意志」的一次體驗。
