劉澤星憶述練跑失意識 墮地斷骨噴血超驚心
劉院長在節目中憶述，備戰馬拉松期間，練跑時突然失去意識跌倒，傷勢非常嚴重。他展示當年圖片，情況觸目驚心，並親述：「因為我一跌落地下，呢度有幾個地方裂咗，裡面流血，喺鼻哥度噴好多血出嚟。」面骨多處斷裂，需要縫上多針。然而，他住院期間竟還有心情看自己的X光片研究病情，展現出驚人的冷靜與樂觀態度，完全不像一個剛剛經歷重創的病人。
廿年跑手曾心律不正入院 劉澤星自嘲：望落好似就快死
其實在斷骨意外的兩年前，這位跑了廿多年馬拉松的運動健將已在鬼門關前走一回。他透露當時因跑步導致心律嚴重不正而需要緊急入院，情況一度危急。憶述當時情況，他更幽默地形容：「心電圖好肉酸，望落好似就快死咁。」雖然大難不死，但他貫徹「邊度跌低邊度起番身」的精神，康復後繼續挑戰馬拉松，甚至玩埋Hyrox健身賽，毅力驚人。
一波未平一波又起 劉澤星再爆拇趾嚴重外翻兼脫臼
可惜，這位屢敗屢戰的院長，身體又再響起警號。經歷兩次嚴重意外後，他又遇上另一個棘手問題——左腳拇趾出現嚴重外翻，甚至連腳趾都脫臼！即使受「痛腳」困擾，他依然堅持上班、跑步，更笑言自己是「Unning Man」，將「RUNNING」變成「UN吓UN吓」，以輕鬆心態樂觀面對困境，精神可嘉。
網民睇到心驚膽顫 激讚院長毅力驚人
節目播出後，不少網民對劉院長的恐怖經歷感到震驚，同時亦被他永不放棄的精神深深打動，紛紛留言表達佩服之情。「「睇到佢塊面張相，真係嚇親！斷骨噴血都仲咁冷靜，唔係人人做到！」」「「心電圖好似就快死… 聽佢自己講返都覺得驚。」」「「呢啲先係真正嘅運動家精神，邊度跌低邊度起番身，好佩服！」」「「院長都咁搏，我哋仲有咩藉口唔做運動？」」「「希望佢隻腳快啲好返，唔好再有意外啦！」
