現場直擊吳旭東飛撲搶櫈超混亂
爭奪戰一觸即發!當Mandy的關鍵詞「暖」一出,與她心意相通的東東及Hepta即時一支箭標向前搶櫈。二人不約而同睇中同一張櫈,更上演飛撲肉搏戰,場面極度混亂。原本被壓在最底的東東,竟不知哪來的神力,突然用力彈起身,更索性將整張櫈擸走,直接放在Mandy面前坐下,再伸出拳頭示意Mandy來個「fist bump」,整個行徑既浪漫又有型,充滿霸道總裁氣息!
Mandy甜笑認冧阿Bob都讚有型
東東這記石破天驚的「霸總式示愛」,瞬間點燃全場氣氛,所有女神及花生團成員陷入瘋狂尖叫狀態,阿Ju更忍不住直言「Respect」!而被東東突襲的Mandy,全程更是笑到合不攏嘴,事後她坦言覺得東東非常Man:「其實都幾有型嘅嗰吓,好 Man 咯。」就連向來要求高的主持阿Bob,也對東東表示欽佩,宣布他成為候選人時,忍不住大讚:「真係有型到哩!」
網民睇到嘩嘩聲大讚夠Man
節目播出後,東東的霸氣舉動隨即引發網民熱議,討論區被瘋狂洗版!大部分網民都對東東的行為表示欣賞,認為夠直接。「睇到呢幕真係嚇親,但又覺得好Man!」、「呢啲先叫追女仔,夠晒霸氣!」、「Mandy個樣甜到漏,肯定冧死!」不過也有網民認為太誇張:「雖然好有戲劇效果,但現實咁做會嚇親女仔。」、「好似拍緊韓劇咁,太唔真實啦!」






































