小玲驚見九龍灣街坊上演出浴騷
根據《東張西望》主持曾錦燊實地了解，小玲屋企距離涉事大廈約十多米，肉眼直望過去已發現多個樓層單位出現類似走光問題。當住戶於浴室洗頭沖身時，即使隔着一層磨砂玻璃，室外人依然能把整個過程看得一清二楚。小玲向節目組坦言，若然當事人是年輕女子，天天被人看着沖涼絕對不堪設想，因此決定企出來拍下畫面並公開事件。
《東張西望》介入管理處急補鑊
針對上述極度尷尬情況，《東張西望》節目組主動出擊去信涉事屋苑管理處反映。管理處隨即給予官方回覆，表明已經向相關業戶發出溫馨提示，提醒住戶必須注意個人私隱保護，並強烈建議大家加設百葉簾作遮擋。小玲透過傳媒再三呼籲，希望藉今次大篇幅報道能令更多街坊提高警覺，切勿以為拉上窗戶就萬無一失。
湯兆昇博士拆解磨砂玻璃透視之謎
翻查資料顯示，紅磡馬頭圍道及將軍澳屋苑過去亦曾發生過同類事件。香港中文大學物理系高級講師湯兆昇博士曾於《東張西望》節目中詳細分析，指出當事人若距離磨砂玻璃太近，加上室內開啟強光燈照射，便會導致室外看室內影像變得異常清晰。萬一住客沖涼期間把水淋在玻璃表面，更會令磨砂玻璃折射率變得與普通玻璃極為接近，透視度瞬間倍增。
網民對爆料人行徑評價呈現兩極
事件曝光後立刻掀起網絡熱話，大批網民紛紛留下不同意見。有人質疑爆料人動機，留言寫道「又要睇，又要報東張，好難捉摸呀」以及「乜都睇唔到，你咁留意對面樓做乜呢？小玲你咁好心就去對面管理處投訴」。不過亦有不少人對小玲挺身而出表示讚賞，有網民直指「可能啲居民真係無為意，大人都算，小朋友仲大件事，個女士好心提醒都係好事」、「好多私人樓所謂明廁，其實個窗就開正喺浴缸旁邊，完全係荒謬嘅設計！加廉沖涼又污糟，跟本係半黑廁」。
