鍾嘉欣平淡自揭家中接生 王祖藍當場嚇呆
自2021年演出《星空下的仁醫》後便淡出幕前的鍾嘉欣，在節目中敞開心扉，分享了這段驚人經歷。當談及生B過程時，已嫁作醫生太太的她竟平淡地說，自己是在家中誕下孩子，更衝撃的是她親手完成接生。她憶述：「我自己接（生）架」，並解釋：「因為喺屋企吖嘛，你咪接住佢咯」。這番超乎想像的言論，與身旁王祖藍的震驚表情形成強烈對比，場面相當有趣。
大女直擊弟弟出世 Linda視為生命教育
除了親自接生，鍾嘉欣更透露當時女兒也有在場，親眼見證弟弟的出生過程。面對外界可能的不解，她坦然說：「我個女都有睇住我個仔出世，我係咪奇奇怪怪呢？」她認為這並非怪事，反而是一種最真實的生命教育：「我覺得好 Natural，我覺得佢睇住細佬出世，係一種 experience of life，Life is life，佢係血淋淋，But it’s beautiful。」她將這個血淋淋的過程，視為一種美麗而自然的生命體驗。
網民反應兩極 驚呼思想太前衛
節目播出後，鍾嘉欣的「在家接生」經歷隨即引發網民熱議，反應相當兩極。有網民大讚Linda勇敢：「思想好前衛，唔係個個媽媽夠膽咁做！」、「呢個係畀個女最好嘅生命教育，好有愛。」但亦有不少網民表示震驚：「真係嚇親，喺屋企生仔太危險喇！」、「我同祖藍個反應一樣，個口擘大到收唔返！」、「要個小朋友睇住成個過程，會唔會有童年陰影㗎？」
（圖片來源：TVB）
（圖片來源：TVB）
（圖片來源：TVB）
