王祖藍睇死潘靜文唔食得：有冇搞錯呀
在節目中，主持人王祖藍透露因福州美食眾多，想找一位「好擦得」的藝人做「飯腳」，而身邊不少人竟一致推薦潘靜文（Sherman）。不過，當祖藍看著身形纖瘦的Sherman，隨即投下不信任票，忍不住連環吐槽：「有冇搞錯呀！咁瘦嘅」、「又係嗰啲『我好男人頭㗎』！」面對祖藍的質疑，Sherman馬上自認好Man，更搞笑地做出「手瓜起𦟌」的動作力證自己，與她平時的甜美形象形成極大反差，互動火花十足。
神還原姚焯菲語氣：全新西蘭最好食嘅叻沙呀
最搞笑的一幕，是王祖藍竟然帶Sherman到福州台江區品嚐港式點心，令Sherman即時「黑人問號」上身，忍不住吐槽說：「吓？你完全係同我之前去新西蘭搵Chantel（姚焯菲）一樣，然後佢帶我去食一啲亞洲嘢，即係嗰啲『叻沙』呀。」話音剛落，兩人竟神同步模仿起Chantel的招牌可愛表情和語氣，齊聲說：「全新西蘭最好食嘅叻沙呀！」祖藍更深有同感地分享，每次去溫哥華探朋友，對方總會帶他去吃「全溫哥華最好食的雲吞麵」，場面令人哭笑不得。
福州驚現港式大館？文青打卡熱點揭秘
雖然在福州吃港式點心看似奇怪，但王祖藍隨後解開謎團。原來他帶Sherman光顧的這間餐廳，除了食物味道正宗，更重要的是其裝潢極具特色，是近年當地文青的打卡熱點。Sherman甫進餐廳亦大讚環境舒適，尤其欣賞外圍的紅磚牆設計，直言甚有香港「大館」的風味，瞬間明白祖藍的用心，由最初的疑惑變成驚喜，證明這次美食之旅絕非「流嘢」。
網民爆笑留言：呢個模仿有聲嘅
節目播出後，王祖藍與潘靜文的搞笑互動引發網民熱議，尤其模仿姚焯菲一幕更是焦點所在。不少網民湧入討論區留言，大讚二人有默契：「笑死！祖藍同Sherman模仿Chantel個樣勁似！」、「完全明嗰種去到外國被帶去食中菜嘅無奈感，太真實！」、「Sherman原來咁玩得，好可愛！」、「女版Terry反差萌！估唔到佢咁大食！」、「呢個模仿有聲嘅！腦入面即刻有Chantel把聲！」
