許俊豪驚爆拍劇前斷十字韌帶 戴腳箍頂硬上孭陳曉華
許俊豪在訪問中透露，拍攝《死有對証》前做運動時不慎受傷，導致十字韌帶斷裂，更已安排好做手術。但他坦言因非常渴望與陳曉華合作，加上看畢劇本後極度喜歡自己的角色，最終決定推遲手術。對於劇中一場孭起陳曉華的浪漫戲，他憶述：「當時孭住佢反而唔係大問題，因為我裝咗個腳箍喺個膝頭哥度，只不過係行得慢啲。」他笑言陳曉華很輕，並多謝對方信任，令拍攝過程非常順利。雖然有緊密身體接觸，但他表示雙方都不感尷尬：「因為大家真係想營造嗰種甜蜜嘅感覺。」
許俊豪天堂鳥出身超上進 考獲多個專業資格
雖然在劇中演活奸角，但許俊豪坦言不擔心被定型，更希望有機會挑戰正派角色。他表示：「因為我睇到好多評論，大家都會鍾意我嘅演繹。咁當然我希望係所有監製或者導演之後搵我演正派嘅角色，都想畀觀眾睇到我有唔同嘅一面或者好嘅角色。」事實上，許俊豪一直非常上進，他由唱跳組合BOP天堂鳥成員出身，其後組合解散後加入TVB轉型做演員，曾參演《愛上我的衰神》、《法言人》等多套劇集。為堅持夢想，他努力工作及學習，更考獲健身教練、心肺復甦術、保安牌及匹克球教練等多個專業資格，他曾於訪問中透露「夢想是需要代價」。
網民大讚敬業樂業 「真係好搏命！」
許俊豪為拍劇延遲手術的幕後故事曝光後，不少網民都大讚他敬業樂業，紛紛留言表示佩服。有網民表示：「原來背後有咁嘅故事，太敬業了吧！」、「斷咗十字韌帶仲要孭人，真係好搏命！希望佢快啲好返！」、「難怪行得有啲慢，完全睇唔出佢受咗傷，好專業！」、「由天堂鳥到而家，睇住佢一步步努力，加油！」
