馬貫東食飯打探案情慘食檸檬 陳曉華堅持AA制勁冇癮
昨晚劇情講述被停職的警察高俊（馬貫東飾），藉故請法醫程芷昕（陳曉華飾）食飯，企圖打探案情。席間他見女方將食物「分類」，忍不住說：「程醫生你食嘢都幾麻……有儀式感喎，咁樣食嘢好食啲咩？」但只換來對方冷笑。當高俊想打聽案情時，芷昕即反問：「咁你用咩身份問我先？」高俊笑說警察與法醫是好朋友，芷昕卻笑着寸爆：「你畀人停咗職喎，你仲當自己係警察呀？」最後芷昕更拒絕跟高俊去案發現場，並要求埋單「AA制」，搞到高俊勁冇癮，場面搞笑。
馬貫東激讚陳曉華腦袋如電腦 接得住我同韋家雄
雖然是首次合作，但馬貫東接受tvb.com獨家訪問時對陳曉華讚不絕口，表示兩人很快便建立起默契。他更笑言陳曉華的腦袋宛如電腦，記憶力驚人：「佢反應又快，對住我同家雄（韋家雄）呢兩個不按牌理出牌嘅演員，佢完全接得住。」馬貫東又笑指陳曉華的角色對任何「單打」或奚落的說話都有「免疫力」，因此經常被她氣得哭笑不得。此外，馬貫東亦透露劇中有大量追逐戲份，全部都是親身上陣「真跑」，雖然辛苦但團隊氣氛極佳。
網民大讚馬貫東陳曉華火花十足 「鬥氣冤家超搞笑」
兩位主角的互動成功引起網民熱烈討論，不少人都大讚他們的鬥氣場面搞笑且充滿火花。網民紛紛留言表示：「馬貫東同陳曉華呢對好有火花，睇佢哋鬥嘴好好笑！」、「陳曉華個角色好正，次次都搞到馬貫東冇聲出。」、「AA制嗰度真係笑死，完全估唔到！」、「好期待佢哋之後嘅發展，肯定仲有好多笑料。」
