化身「勇敢媽媽」 挑戰25米極限索道
這個位於德國柏林商場內的室內攀爬樂園，絕對是挑戰膽量的極限運動！場內設有15條不同難度的路線，最高點達25米（約三層樓高），包含踩輪胎、獨木橋、懸浮木桶等74個驚險關卡。為了做個好榜樣，Grace決定豁出去：「我哋成日同小朋友講『膽大啲』，今日我就搞晒大膽喇！唔可以送啲小朋友去死，自己又唔去做好嘛，我要做一個有勇氣嘅媽媽！」
踩錯腳險滑倒 嚇到花容失色
在8歲老闆兒子Lio及14歲少女Ivy的帶領下，Grace挑戰了全場最難、全長近400米的商場柱路線。她玩高空踩輪胎時，一度踩錯腳險些滑倒，嚇到花容失色，但仍搞笑表示：「要回復返香港小姐嘅姿態出嚟，冇事冇事！」完成壯舉後，Grace更真性情大爆：「我啲汗喺個胳肋底滲緊出嚟，好熱啊！」
嘆父母過分保護子女
這次「玩命」體驗，除了讓Grace過足癮，更令她對德國父母的教養方式大開眼界。原來當地小朋友細至3歲、6歲已經開始玩攀爬，從小培養冒險精神與自信。Grace坦言，很多時候其實是父母自己「過分保護」：「其實好多時係我哋父母自己驚小朋友做唔到，但其實小朋友係真係做到，而佢做到嘅時候，佢自己會好有滿足感。」
嘆父母往往比小朋友更驚 悟出「Let Go」真理
Grace深感這次體驗非常有意義，並寄語一眾家長要學識放手：「呢啲地方可以突顯小朋友嘅膽量，同時間話畀家長知其實可以『Let go』。我哋唔使成日好似膽小鬼咁去驚，反而畀佢去嘗試，佢真係做到嘅時候，你會戥佢好proud of！」Grace更笑言，見證過樂園的安全措施後，絕對放心讓自己3個兒子來挑戰呢！
網民激讚節目題材震撼 熱議育兒新觀念
節目片段播出後隨即在各大網上討論區引發熱烈迴響，不少觀眾對德國小孩驚人膽量感到不可思議。有網民留言表示「見到個8歲小朋友爬得咁快真係自愧不如」、「如果係我個仔上去我一定嚇到心臟病發」，對當地家長強大心理質素深感佩服。同時亦有大批粉絲讚賞主持人在鏡頭前展現真實恐懼與克服困難過程，認為「為母則強真係好偉大」、「完全體現出專業精神」，更有觀眾直言相關內容極具啟發性。
