莊思敏上節目盼Connect亡母 Angel成功傳達遺願
在該番外篇影片中，莊思敏坦言，由於母親離世不久，當初曾猶豫應否參與節目錄影。但最終她還是決定前來，希望能藉著《玄戰》中各位先知的能力，與在天上的媽媽溝通，並直接表示：「我想知佢仲有冇說話想講」。沒想到，白先知Angel真的成功接收到莊媽媽的訊息，並將其遺願一字一句地傳達給莊思敏。
亡母不捨細佬感抱歉 Angel轉述遺言「都係錫你嘅」
Angel向莊思敏轉述其亡母的心底話，當中充滿了對女兒的歉意與愛。Angel說：「佢的確有好多道歉說話想同你講，佢話辛苦你咁多年照顧細佬妹，佢話你好貼心、好善良，好識照顧人。」Angel續說，莊媽媽最放不下的是弟弟，並為此感到抱歉：「佢好放唔低細佬，都好抱歉要將呢個重擔繼續押喺你身上」、「但佢想你知道，佢都係錫你嘅。」
莊思敏淚灑錄影廠 感激Angel傳話「好準確」
聽到亡母的心聲後，莊思敏一直強忍的淚水終於決堤，在鏡頭前感觸落淚。她邊哭邊大讚Angel的轉述「好準確」，並親口證實：「媽咪係好唔放心我細佬」。最後，她收拾心情，含淚向天上的媽媽承諾會好好生活，並感謝先知們的幫助：「感恩遇到幾位先知幫媽咪傳達咗呢啲說話，我會加油，亦都希望媽咪會放心。」
網民大呼感動：「睇到眼濕濕！」
這段感人片段公開後，不少網民都表示被深深觸動。網民紛紛留言：「呢段真係好感人，莊思敏要加油！」、「Angel唔只係準，仲好有同理心，傳達嘅說話好溫暖。」、「睇到莊思敏喊，我都忍唔住眼濕濕，母女情深。」、「呢啲先係節目嘅意義，唔只係比賽，仲可以療癒人心。」、「希望莊媽媽可以安息，莊思敏同細佬都要好好生活。」
