楊卓娜餐廳怒掟手袋質問小三
在捉姦前，楊卓娜已在餐廳與小三李靈燁正面交鋒。當她得知兒子竟被對方接走，即怒氣沖沖趕到，用手袋大力拍枱，聲淚俱下質問兒子：「你就咁跟啲衰人走，你知唔知媽咪會好擔心？」李靈燁卻一臉無辜甜笑挑釁：「咁賢仔打嚟舖頭，話等咗媽咪好耐都未嚟接佢，咁我咪走去接佢囉。」面對小三的偽善，楊卓娜氣得將手袋怒掟在地，大喝：「我就算冇人接仔都唔使你幫手呀！」
楊卓娜後巷崩潰怒吼：我殺咗你都得
被兒子一句「家瑩姐姐好好，唔似得你成日大聲鬧人」刺痛後，楊卓娜將李靈燁拉到後巷講數。她忍着胃癌劇痛，怒斥：「你搞我老公得，但搞我個仔就唔得！」豈料李靈燁變本加厲，笑著還擊：「你老公唔愛你」、「我同佢先係天生一對」、「我覺得我做賢仔媽咪好過你囉！」連串惡毒言語徹底激垮楊卓娜，她聲嘶力竭地吼道：「你再搞我個仔，我殺咗你都得呀！」話音剛落，她便因劇痛難忍而彎下腰，李靈燁見狀更得意地說：「仲話殺咗我？睇你個死樣，阿豪見到你都冇胃口啦！」
楊卓娜酒店捉姦心死淚崩蒐證
經歷連番羞辱後，楊卓娜決心離婚並到酒店捉姦。她拖着被癌魔折磨的病體，步履蹣跚地找到房間。開門一刻，老公杜大偉與小三在床上的畫面映入眼簾，即使早有準備，她仍心如刀割，兩行眼淚直流，絕望地拿起手機拍下出軌證據。杜大偉見狀即衝下床搶手機，混亂間楊卓娜趁機逃走，雖被李靈燁推出馬路，幸得高海寧及時趕到救駕！短短兩分鐘的戲，楊卓娜將無奈、心死、絕望到憤怒驚恐的情緒演繹得淋漓盡致。
楊卓娜親解喊戲秘訣：要畀番對手情緒
雖然演技獲激讚，但楊卓娜早前接受訪問時坦言很怕拍喊戲，直言「唔係話喊就喊」，演出時需要精準拿捏，才能引領觀眾感受角色的情緒遞進：「咁先可以表達到當時個氣氛。」她謙虛地將功勞歸於對手，認為是大家共同投入，在互相推動下才能自然流露情感：「唔係淨係自己喊完就算，要畀番對手情緒，大家互相配合，場戲先會好睇。」
網民洗版激讚：教科書式演技
楊卓娜這場層層遞進的爆發演出，震撼無數觀眾，網民紛紛湧入討論區洗版式給予好評，形容其表現是「教科書」級別的演技。有網民留言激讚：「睇到我心都痛埋！娜姐演技大爆發！」、「呢場捉姦戲真係經典，情緒層次分明！」、「由心死到憤怒再到驚恐，完全被佢帶住走，感染力太強！」、「年度最佳女主角級數嘅演出！」
