新秀冠軍到中年主持 車婉婉感嘆經歷神奇
當年憑《新秀》冠軍身份入行的車婉婉，演藝路上經歷不少。相隔近30年，她先是成為大熱節目《中年好聲音》的主持，見證無數追夢者，如今又在劇集《愛‧回家之三代同糖》中親身飾演參賽者嘉冰，讓她覺得這段經歷非常奇妙。她坦言，希望透過自身的經歷，帶出每個人生階段都有其獨特意義的訊息。
車婉婉親揭心聲 勉勵追夢者：每個人行嘅路都好獨特
談及這次「參賽」經歷，車婉婉有感而發，希望能鼓勵仍在追夢路上奮鬥的人。她真誠分享道：「希望呢個經歷可以鼓勵新入行、想入行，或者參加咗唱歌比賽、又或者好似發展未係好理想咁嘅各位，記住每個人行嘅路都好獨特，所有嘢發生都有佢好好嘅原因。」一番話充滿正能量，道盡了演藝生涯的甜酸苦辣。
車婉婉神還原《中年》評審 金句噴射勁抵死
除了溫情勵志，車婉婉在劇中亦大放笑彈。其中一幕她與孫女Desta備戰比賽時，「愈唱愈頹」的狀態極具喜感。而最讓觀眾捧腹的，是她模仿《中年好聲音》評審的演出，無論語氣或神情都入木三分，更爆出金句：「頭先感情噴射出嚟，入到佢心深處呀」，抵死演繹恍如《中年》評審混合體，喜劇功力盡現。
網民洗版大讚：回憶返哂嚟又好好笑
車婉婉的演出引起網民熱烈討論，不少人大讚她演技出色，既能勵志又能搞笑。網民紛紛洗版留言：「婉婉真係好搞笑，扮評審嗰度笑死！」、「由新秀睇到佢做中年主持，再睇佢做戲，回憶返哂嚟！」、「佢講得好啱，每個人條路都唔同，好勵志！」、「支持婉婉！演技又得，搞笑又得！」、「感情噴射出嚟，呢句真係《中年》精髓！」。
