周志康8強止步無緣晉級
經過5個回合的激戰，《中年好聲音4》昨晚公布「10強累積排名分」賽果，正式誕生終極7強，包括尹景順、尤淑情、許美琪、許雲妮、吳亦偉、蔡宓婕及鄭家聲。而累積排名分排在榜末的周志康（第8名）、陳旭培（第9名）與鄭仲豪（第10名）則宣告被淘汰，緣盡《中4》舞台。
哽咽感謝「企鵝人」身份搵返自信
周志康在發表感言時，首先感謝節目讓他以「企鵝人」的蒙面身份參賽，讓他重新找到自信。他哽咽說道：「多謝呢個節目，由一開始蒙住我塊面，我唔係邊個，我只係一個鍾意唱歌嘅人，多謝呢個節目，令到我、原來我把聲係可以觸動到人，呢件事我覺得好幸運，所以我多謝『企鵝人』。」
淚謝太太周志文全場哭成淚人
除了感謝「企鵝人」，周志康亦公開向家人表達愛意，場面感人。他含淚說：「多謝我兩個女，陪住爸爸行呢段旅程，亦都要多謝我太太啦，因為呢段時間佢要照顧家庭，要照顧埋我，好愛佢哋。」他最後特別感謝哥哥周志文的支持：「我阿哥周志文，我同佢唔需要講太多，因為我同佢真係心連心，Thank You！」真摯的發言令全場哭成一片淚海。
網民大感不捨你已經贏咗
節目播出後，大批網民對周志康的離開表示不捨，並被他的感言深深打動：「聽到佢講多謝『企鵝人』嗰度，我即刻爆喊！」「雖然淘汰咗，但佢嘅感言贏盡掌聲，你已經贏咗！」「好老公好爸爸好細佬，周志康真係好好！」「佢同周志文兄弟情好感人，希望佢繼續唱歌！」
