嘉玲姐當面投訴《功夫女足》冇得踢
節目中，劉嘉玲直接向周星馳發問，為何拍攝《功夫女足》時不讓她落場踢波，更笑問：「我年紀大呀？」星爺聞言即指是嘉玲姐自己要求「唔使郁㗎嘛？」嘉玲姐隨即認真表態，指自己絕不怕辛苦：「NG 幾多次我都畀你 NG，雖然我覺得自己好好。」不過星爺馬上「踢爆」對方在片場極有主見，每當想向她講解如何演繹時，她總會拋下一句：「唔使講喇！」令場面十分搞笑。
星爺神級反擊：你都冇當過我係導演
面對星爺的「指控」，嘉玲姐立即大反應澄清，強調自己絕不會如此對待導演：「雖然你係我朋友……」話音未落，周星馳已把握時機搶著說出致勝一句：「你都冇當過我係導演。」此話一出，即時引爆全場掌聲與笑聲，嘉玲姐亦只能哭笑不得，完美展現了兩人之間的好交情才能開的玩笑，場面極之惹笑。
嘉玲姐再控訴星爺私下超敷衍
除了電影合作的趣事，嘉玲姐亦大爆星爺私底下的作風，直指對方多年來「一啲都冇改到啊」，每次回答問題都超級敷衍：「答埋啲嘢都係嗰幾個人字，答咗又好似冇答咁。」面對好友連番指控，星爺只一臉無辜地為自己平反：「好真誠㗎！」其實節目一開始，星爺已發揮無厘頭本色，笑稱與主持人黎芷珊「冇幾耐啫，四十年到之嘛！」可見他對相熟好友才會展現幽默一面。
網民洗版期待：呢啲先係巨星級對話
節目預告一出，網民反應極之熱烈，紛紛表示極度期待兩大巨星的火花。不少留言都大讚兩人的互動真實又好笑：「星爺同嘉玲姐互寸真係好好笑，睇幾多次都唔厭！」、「『你都冇當過我係導演』呢句真係神回覆，只有星爺諗得出！」、「嘉玲姐個反應好真實，呢啲先係真朋友！」、「好想快啲睇足本版，一定笑到肚痛！」、「兩位都係殿堂級，氣場好勁！」。
