巨幕夜場談劇情引爆衝突
港女生Vinci在Threads發文憶述，坐隔離的涉事女子疑因未能理解部分情節，不時向同行男伴發問。由於電影包含不少安靜而內斂的文戲，女事主忍耐至對方第三、四次交談後，先以「噓」聲提醒，再傾身示意對方保持安靜，惟女子依舊繼續說話，「點知0反應繼續傾」； 當事主正式向女方勸阻時，對方突然大聲反嗆：「唔想有人傾偈你包場睇囉！」令衝突即時升溫。
港女生發文還原勸阻經過
女事主在帖文交代，自己當時只是保持禮貌勸喻提醒，「嗰下我都著埋但我努力保持冷靜想快啲解決專心睇戲淨係講咗句：睇戲唔好傾偈唔該。」未料換來對方激烈回應。
女事主她其後亦補充，平日獨自入場觀影，也曾遇過其他觀眾開亮手機螢幕或發出聲響，但一般人在受到提醒後都會收斂；像今次不但拒絕改善，更反過來責罵勸阻者的情況，相對罕見。
女事主男友厲聲介入瞬間收聲
衝突最終由女事主男友出面打破僵局，男朋友忍不住好兇狠大聲說：「你哋要傾偈就出去傾！」涉事女子在態度強硬的回應下才終於收聲，女事主形容「有人惡過佢先即刻收咗皮」，被狠罵的女子其後之有兩次想再與男伴說話，但男伴都不敢再回答。女事主又提及二人最後一完場、還未待片尾演職員表播出已經離開戲院。
由多番溫和提示全無效果，到男友介入後局面迅速逆轉，這個結局亦令不少網民直指對方態度欺善怕惡，將一次普通觀影變成公共禮儀爭議。
帖文迅速獲近6千讚好 樓主及男友獲封「戲院風紀」
帖文公開後獲近六千個讚好及數百則回應，輿論普遍站在事主一方。有網民留言「樓主同樓主男朋友做得好」、「你冇錯呀，男朋友都好好保護到你」，也有人作出感謝「多謝你哋做咗戲院風紀」。
亦有人批評「對方條仔唔反駁 即係佢都知條女唔啱但唔講」、「做完無公德心嘅嘢仲要罵返你！」更有人慨嘆類似行為愈來愈常見，形容為「文化大倒退」，「愈來愈多無公德心既人 將唔啱既事合理化 見過幾個post都有人留「想靜去圖書館/包場/睇Netflex」真係文化大倒退」。
此外，另有留言反駁涉事女子的邏輯，認為若想聊天，同樣可以向對方表示「想傾偈你包場睇囉！」，「佢哋啲邏輯好錯 唔好畀佢哋兇到 因為同一句說話 你可以駁返佢：『想傾偈你包場睇囉！』」都一樣 Anyway you two well done」。
