對於劇中妝容引發熱議，郭柏妍詳細解釋道：「喺顴骨、鼻同埋下巴位胭脂係會比較重嘅，同埋條眉有特別修幼，因為我本身條眉比較粗，幼啲嘅話，個角色感覺會再邪惡少少或者壞少少。」她續指眼妝亦是關鍵：「眼睛部份都係，佢哋都好畀心機幫我整上下睫毛，都係非常重手，上睫毛真係做到根根分明嘅效果，突出一個無辜嘅眼妝，令大家會不自覺可憐呢個女仔。」郭柏妍坦言這個妝容對她投入角色幫助極大，並感謝化妝同事的心機。
郭柏妍的解說曝光後，網民對劇組的細心讚不絕口，認為化妝是成功塑造角色的重要一環。不少留言大讚：「原來個妝咁多細節，唔怪得個角色咁立體！」、「化妝師好勁，真係靠個妝就睇得出佢心機重。」、「修幼條眉即刻唔同晒，好有心思。」、「呢啲就係專業！個無辜眼妝真係呃到人。」、「辛苦晒化妝同事，個妝幫咗好多！」
新傳媒集團的數碼平台包括多個網站和應用程式，如 《新假期》、《GOtrip》、《NM+新Monday》、《東方新地》、《more》、《Sunday Kiss 親子童萌》、《經濟一週》。
