安仔古靈精怪拖延離婚 滕麗名一言驚醒夢中人
隨著蔥頭獲救，「安Bon」的假婚姻亦失去存續的理由，必須辦理離婚。然而，對Bonnie重燃愛火的金城安因極度捨不得，竟想出各種古靈精怪的理由，企圖拖延辦理離婚手續的時間。眼見兒子陷入痛苦的掙扎，一直看在眼裡的熊尚善（滕麗名飾）終於出手，一言驚醒夢中人，讓安仔明白到逃避並非辦法。在母親的提點下，安仔決定勇敢面對，放下過去，並主動約見Bonnie，為這段關係作一個正式的了結。
周嘉洛情深告白 「從冇諗過要同你離婚」
安仔決定放下過去，約見Bonnie處理離婚事宜，並送上最真誠卻又最揪心的祝福。他收起平日的輕佻，情深款款地說：「原來大個仔唔單止要學識承擔，仲要學識放低唔屬於自己嘅嘢」、「其實我幻想過好多次點同你結婚，但我從來冇諗過要同你離婚」。安仔正式提出：「我今日約你出嚟，就係要同你離婚」，更提議以一個Goodbye Kiss作結，為婚姻畫上句號：「結婚嗰陣錫一啖，離婚嗰陣又有個 Goodbye Kiss，咁對我哋嘅婚姻嚟講，都叫做有始有終吖」。最後，他強忍心痛祝福對方：「譚育英，我祝福你幸福快樂，以後都要。」
網民洗版式心碎 激讚周嘉洛演技問鼎視帝
望著「大個仔」的安仔，Bonnie亦一臉感動，強忍淚水哽咽回應：「咁我都祝福你，金城安，以後都要幸福快樂，多謝你安仔。」這段感人的互相祝福，令無數網民既傷心又感觸。雖然大量「安Bon」粉絲對結局感到失落，但亦有不少網民認為「放手也是愛」，並大讚周嘉洛的演技：「我覺得呢個結局幾好喎，唔爛尾」、「寫得好好，人生就係咁，錯過咗就係錯過咗」、「好慘，但其實又寫出了現實的唏噓」、「金城安演得好好，幾感動」、「廢青安終於大個仔了」、「大個仔嘅背後充滿眼淚和心碎」、「周嘉洛尋晚嗰滴眼淚，絕對可以問鼎男主角獎」。
