視像通話揭心酸真相 爸爸首爆媽媽留美原因
在節目《家傳之「保」2》中，劉穎鏇父親Sam與身在美國的太太視像通話，分享女兒的孝順。言談間，Sam突然感觸落淚，哽咽道出太太獨留美國的真正原因：「你爹哋喺療養院七年，你媽咪依家又喺療養院六年，你每日都去睇你爹哋媽咪，個女同你一樣，好錫你同我……家傳之寶我哋已經有咗。」原來劉媽媽為了獨力照顧年邁且入住療養院的雙親，才犧牲了與丈夫、女兒在港團聚的時間，場面極為感人。
劉穎鏇愧疚落淚 承諾搏命賺錢養家
在旁的劉穎鏇得知母親的巨大犧牲後，亦忍不住淚水，哭成淚人。電話另一端的劉母見狀，即時強忍情緒，反過來關心女兒：「你做嘢攰唔攰、辛唔辛苦呀？」面對母親的關懷，Tiffany更感愧疚，坦言因工作關係，沒有太多時間陪伴父親，對於母親要獨自留在美國更感心痛，她含淚承諾：「我一定要再勤力啲做嘢，可以賺多啲錢，可以照顧到你哋，等你哋可以多啲一齊。」Sam與太太均表示以女兒為榮，一家三口的深厚感情令人動容。
網民睇到眼濕濕：「真係好偉大嘅媽媽！」
這段感人畫面播出後，引發網民熱烈討論，不少人表示看到眼濕濕。「睇到喊咗，劉媽媽真係好偉大，為咗照顧自己父母犧牲好多。」「Tiffany唔好喊，你已經好叻女好乖！」「一家人都好善良，希望佢哋快啲可以團聚。」「呢啲先係真正嘅家傳之寶，就係孝順嘅心。」「好感人嘅家庭故事，加油呀Tiffany！」
