網民大讚劇情精彩緊湊 「好耐冇睇到咁緊張」
劇集大結局後，網上討論區及社交平台充滿對《非份之罪》的讚美之聲，觀眾普遍認為劇集水準極高，是近年難得的佳作。網民紛紛留言：「真係今年暫時睇過最好睇嘅劇集，肯用新人，配搭有驚喜，劇本夠精彩，絕對係佳作」、「好耐冇試過睇電視睇到咁緊張」、「睇完心情久久未能平復，太震撼，真係好難想像套戲咁好睇」、「這個戲真心好睇」。
幕後團隊獲點名力讚 編劇被Shout Out
除了演員備受讚賞，幕後團隊的功勞亦獲得網民肯定。不少留言指劇本寫得出色，情緒張力十足，成功營造出令人窒息的懸疑感。有網民特別向編劇團隊致敬：「文戲情緒張力好澎湃，亦感受到劇情推進，實屬令人眼前一亮嘅新嘗試」，更有網民直接表示：「Shout Out To All 編劇」。
童養媳謎底揭曉 網民讚懸念鋪排一流
劇集結局揭曉了「童養媳」的真正身份，這個貫穿單元的懸念讓觀眾大呼過癮，認為鋪排得相當巧妙。網民對此讚不絕口：「未到最後都唔知邊個係童養媳再世攞債」、「仲以為周家少爺嘅故事係老作，原來係真」。整個系列的懸疑氣氛和反轉結局，成功抓住了觀眾的心，被譽為近年TVB懸疑劇的頂峰之作：「非份之罪係近年TVB懸疑劇世一」、「今晚呢集絕對配得上全劇大結局。」
觀眾睇到欲罷不能 搞笑大呻：「點解會完！」
由於劇集太過精彩，許多觀眾都表示大感不捨，甚至有人搞笑地在網上大嘆：「點解《非份之罪》會完！」強烈表達了對劇集的喜愛和對結局的意猶未盡。同時，劉佩玥在最後單元的精湛演技也獲得海量好評：「阿Moon呢Part真係好刺激」、「佢令人相信 Angie 真係癡咗線。」
