劉穎鏇化身洗頭妹 為專業髮型師爸爸服務
在美國長大的劉穎鏇，在節目《家傳之「保」2》中為專程由美國返港照顧她的父親Sam安排「星級服務」。由於爸爸是專業髮型師，Tiffany特意帶他到髮型屋，更親自為爸爸洗頭及染髮，以報親恩。雖然爸爸Sam以專業角度評價只給70分，但他隨即流露慈父笑容補充道：「但如果係爸爸角度嚟睇，超過 100 分，我畀 110 分。」言談間充滿對女兒的愛意和驕傲，場面非常溫馨。
憶述選港姐臨陣退縮 爸爸一句話改變命運
節目中，Tiffany坦言自己雖然平日表現自信，但面對關鍵時刻仍需父母支持，她憶述：「當年我去溫哥華面試香港小姐……」話未說完，爸爸Sam即搶着爆料：「嗰次你到咗停車場，竟然唔肯落車！」Tiffany笑言當時自己不但不肯下車，更對爸爸說：「我都係返屋企。」面對女兒臨陣退縮，Sam堅決不准，並鼓勵她：「當時我話你決定咗要做，就要嘗試自己行前，去到唔得你先至有交代，卒之你都入咗去。」Tiffany對此充滿感激，直言：「其實唔係嗰一吓 Push，真係唔會有今日做到 Artiste 嘅身份。」
親手製家傳之寶 手錶刻一家三口名字勁溫馨
除了做「洗頭妹」，劉穎鏇又化身司機帶父親遊車河、食牛腩麵，更親手製作一隻手錶送給父親。只見Tiffany拿着鐵鉗、螺絲批等工具，全神貫注地將細小的零件和齒輪組裝起來，過程極考耐性。她笑言直至要放時針和分針時才發現非常不容易。最終她順利完成，錶面上更刻有英文字「S、M、T」，代表父親Sam、母親Margaret與她一家三口的名字。Sam感動地表示這隻手錶將會成為家傳之寶，未來會一代傳一代。
網民大讚孝順女：「呢啲女仔邊度搵？」
節目播出後，網民對劉穎鏇的孝順行為大為感動，紛紛留言大讚。「Tiffany真係好孝順，又靚又叻女！」「個爸爸講得好啱，如果唔係佢當年堅持，就冇今日嘅劉穎鏇！」「睇到整手錶嗰度好感動，好有心！」「呢啲女仔邊度搵？又打得又孝順！」「完全對佢改觀，原來係個暖女。」
