蔡宓婕在「突破之夜」選唱葉麗儀原唱的經典金曲《上海灘》，她坦言選曲後，有工作人員曾跟她說：「個個唱完呢首歌都冇好嘅下場。」但向來充滿自信的她未有被「魔咒」嚇怕，反而穿上一身優雅旗袍，決心以充滿感情的激昂歌聲正面迎戰。其演出氣勢磅礡，成功駕馭這首高難度歌曲。
蔡宓婕的表現獲得評審高度肯定，當中經常與原唱葉麗儀一同登台的肥媽，更作出專業分析，她指出歌曲中「浪奔……浪流」一句看似容易，但要由低沉轉激昂再轉沉，技巧要求極高，肥媽意想不到地說：「想不到宓婕做到『收放自如』的效果。」而評審張佳添則被其旗袍Look迷倒，大讚「好正」，蔡宓婕聞言更風騷地優雅伸腿，嚇得主持車婉婉即時大嗌：「夠喇，畀咗分喇，冇得加呀！」場面極之搞笑。
蔡宓婕的性感演繹亦令網民看得投入，紛紛留言：「小野貓著旗袍唱《上海灘》，真係別有一番風味！」、「好有勇氣挑戰地獄歌，仲要唱得咁好，勁！」、「連肥媽都讚，證明佢真係唱得好掂！」、「佢伸腿嗰下好正，自信爆棚！」、「人靚聲甜，呢個表演冇得輸！」
新傳媒集團的數碼平台包括多個網站和應用程式，如 《新假期》、《GOtrip》、《NM+新Monday》、《東方新地》、《more》、《Sunday Kiss 親子童萌》、《經濟一週》。
