大媽自攜榴槤殺入酒樓開餐 食客投訴侍應一句回覆更火滾

三大媽酒樓枱面拆榴槤惹全場側目

事主日前到觀塘apm商場內某酒樓食晚飯，用餐途中突然聞到一陣濃烈榴槤味襲來，全場食客紛紛四周張望查找氣味源頭. 最終發現原來有3名大媽自攜榴槤入酒樓，直接擺上餐枱用筷子夾起享用，完全無視周圍食客感受。事主見狀難以忍受，即時向侍應反映情況，豈料侍應竟回覆一句「冇所謂啦，你唔鍾意咩？」令事主聽完更加嬲，唯有再向經理投訴。經理接報後上前要求大媽停止食用，但為時已晚。

網民鬧爆大媽自私連榴槤愛好者都睇唔過眼

事件曝光後，大批網民替事主不值，紛紛鬧爆大媽行為極度自私。連榴槤愛好者都睇唔過眼，直斥「明知呢啲咁大味嘅嘢食咪鬼喺街食啦」，又有人批評「啲自私X係唔明唔鍾意食榴槤嘅人會覺得臭」。對於侍應的處理態度，網民同樣不收貨，嘲諷「原來呢間酒樓可以被人當food court咁用」，更有人建議侍應應該即場收取「切榴槤費每位300蚊」，保證大媽即刻收手。

經理趕到時大媽已食完揚長而去戲院再爆同類事件

可惜經理上前制止時，3名大媽經已食完榴槤，在附近食客側目下施施然離開酒樓，令人無奈。無獨有偶，另有網民揭發一名四眼男在戲院內戴手套歎榴槤，期間更脫鞋「棟起隻腳」，整個戲院瀰漫榴槤味，觀眾難以忍受怒而公審。網民群起撻伐，直斥「有包場玩法，無包場命格」、「唔食嘅人真係頂唔順㗎！呢啲人好X自私」，反映公眾對這類自私行為已經忍無可忍。