大寶冰室再開分店插旗屯門 各區網民反應令人意外

網民野生捕獲新店面官方隨即證實試業

事件源於日前有網民在Threads發文，貼出屯門愛定商場內一間新店面嘅相片，清楚見到大寶冰室招牌及裝修中嘅店面外觀，位置就喺南記粉麵旁邊。貼文即時引起屯門街坊圍觀，紛營留言求證消息真偽。大寶冰室官方帳號昨日正式發文確認：「今日屯門分店正式試業，一樣嘅大件夾抵食，一樣嘅交通方便，一樣鄰近鐵路站。」官方強調新分店將維持一貫大份量與高性價比路線，正式向屯門區街坊及慕名食客招手。

事件曝光後網民群起留言反應兩極

事件曝光後，大批網民湧入留言區討論。由於大寶冰室最初係因Threads上不斷有人洗版式回覆「全亞洲最優秀」、「味蕾炸彈」等誇張言論而意外爆紅，有網民不禁讚嘆「熱潮過後都仲可以開分店真係神奇」、「會唔會係香港第一間由Threads起家嘅舖頭」。不過亦有大量其他區域嘅網民紛紛表達不滿，有人笑言新店「係咁繁殖」，亦有人直指「繼續都係大西北」，荃灣、港島、天水圍居民群起留言質詢「幾時輪到我哋有得食」，更有網民鬧爆「屯元天獨缺天水圍，你咩意思」。

由潮文洗版到連開分店結局令人意想不到

大寶冰室由一篇Threads潮文起家，經歷網民洗版、食客排隊朝聖、KOL蜂擁打卡，到如今連續擴張開設分店，發展軌跡堪稱香港社交媒體時代嘅飲食奇蹟。屯門新店位於愛定商場N202號舖，鄰近鐵路站，交通便利. 而元朗區目前設有兩間分店，分別位於宏業南街22號虹方地舖，以及民合徑8號幸福樓二期地下16及27號舖。至於其他地區嘅網民幾時先有得食，暫時仍然係未知之數。