港女收到WhatsApp訊息自稱「中区警署警察」，因一個簡體字斷定對方是騙徒，即刻爆粗狂罵對方。點知事情極速反轉，她致電警署求證後發現對方竟然係真CID，嚇到即刻道歉，事件在網上瘋傳後更加入圍年度最佳串文大獎。
一個簡體字觸發港女爆粗罵警風波
事件源於一名香港女生早前曾經報案，其後收到一則WhatsApp訊息，對方自稱「你好，中区警署警察」，並問她「方唔方便傾個電話」。女生留意到訊息中「区」字屬簡體字，並非香港人慣用的「區」，加上近年假冒公職人員詐騙案猖獗，她即時認定對方是騙徒.女生二話不說以粗言穢語破口大罵，回覆「你翻屋企含X，我去中區中X你」等極度激烈的字句。對方收到辱罵後並無動怒，冷靜回覆稱「關於你之前報個單案件」，女生半信半疑要求對方提供辦公室電話號碼核實身份。
網民笑到癲咗紛紛封為年度最佳串文
事件曝光後，大批網民睇完WhatsApp截圖笑到停唔到，紛紛留言「笑到癲咗」、「對阿SIR講，對唔住，頭先語氣重咗少少」。有網民戲稱「恭喜你！本串文正式入圍2026年度Threads香港區最佳串文大獎」，亦有人認為女生有防騙意識並非壞事，指出「中区+WhatsApp+方唔方便傾個電話完全係詐騙起手式……其實幾好，起碼有防騙意識」。不過更多網民忍唔住追問後續發展，想知道女生之後點樣面對呢位被自己鬧爆嘅真警察。
真警察已睇到帖文港女嚇到「X入中區」
劇情再度反轉，女生致電中區警署及警務處後確認對方確實係真正CID警員，即刻態度180度轉變向對方道歉，表示「OK唔好意思，啱啱以為詐騙」。本以為事件告一段落，點知帖文在Threads瘋傳之後，女生再度更新後續，懇求網民「Threads下留情」，原來當事警察已經睇到呢篇爆紅帖文，令女生嚇到直言「我X到入中區」。由一個簡體字引發嘅連環尷尬事件，最終成為全城熱話。
