急症室驚現「生意淡薄」揮春｜醫護爆護士站蘋果禁忌結局暖心

醫護貼出「生意淡薄」揮春真相曝光

網民近日喺社交平台分享一張公立醫院急症室內部照片，只見高櫃上赫然貼住一張「生意淡薄」揮春，畫面令人摸不著頭腦。正當大家以為係醫護人員惡搞之際，有行內人隨即現身解畫——原來喺醫療界、消防界及警界等紀律部隊，「生意淡薄」代表嘅係全港市民平平安安、身體健康、無災無難。換言之，呢班醫護人員用黑色幽默嘅方式，默默祈願香港人唔好有事要入急症室。有網民更爆料指，護士站長期擺放一座堆得好似小山咁高嘅紅蘋果，取其諧音寓意「平安」，希望每個值班夜晚都順順利利，呢份守護市民嘅心思隨即引起廣泛共鳴。

醫護肚餓想食蘋果慘遭副主任嚴肅拒絕

事件曝光後，大批網民被醫護人員嘅心意所感動，紛員留言致敬。有醫護人員更趁機爆出一段令人哭笑不得嘅趣事——上週末佢臨時被召回醫院加班，當時肚餓到不行，值班副主任四圍幫佢搵嘢食卻一無所獲。事主望住枱面上僅餘嘅一個紅蘋果正想伸手，副主任即刻一臉嚴肅搖頭話：「年輕人餓一下沒關係，這些蘋果是用來保佑今晚平平安安！」呢個「蘋果禁忌」瞬間喺留言區洗版，同行紛紛表示深有同感，笑言每晚值班都會喺內心虔誠祈禱「千祈唔好有病人嚟」，全因唔想見到任何人受傷受苦。

副主任掏出大紅袍茶葉打發事主收場

故事最終出現暖心轉折——副主任雖然堅決唔畀事主食蘋果，但見對方餓到可憐，竟然從抽屜掏出一罐大紅袍茶葉塞俾佢，叫佢沖杯茶頂住先，令事主哭笑不得。呢段醫護日常小故事引發大量轉載，不少網民大讚香港醫護人員工作量極高仍然保持幽默感同人情味。與此同時，一位來自上海嘅遊客亦喺社交平台發文，大讚港人素質極高、充滿公德心，力證香港人並非如網絡傳聞般冷漠，反而非常熱情友善，帖文同樣引起中港兩地網民熱烈迴響，進一步改善外界對香港人嘅印象。