啟德婦人帶走超市購物籃被拍片｜途人好心提醒換來一個反應

婦人手持購物籃步入港鐵範圍

目擊事件的女生在社交平台Threads帳號「win_wwzn」上載影片，表示當日在啟德AIRSIDE商場目睹一名穿著淺藍色長裙的婦人，離開GreenPrice超市時直接將店內購物籃帶走，籃內仍裝有多件商品。目擊者見狀即時上前善意提醒對方將購物籃歸還店舖， but 婦人全程「扮聽唔到」，完全無視提醒繼續前行。目擊者其後一路跟隨，發現婦人已步入港鐵範圍，手上仍然提著該GreenPrice購物籃，目擊者無奈表示「佢應該真係想拎埋個籃返屋企」。當目擊者嘗試從正面拍攝時，婦人即時加快腳步離開，加上當時途人眾多難以追趕，目擊者亦擔心太激進會被襲擊，最終只能無奈放棄。

事件曝光後網民群起鬧爆質疑盜竊

事件曝光後，大批網民替事主不值，紛紛湧入留言區聲討婦人行為。不少人直指婦人行為等同盜竊，「正常人都知個籃係間舖頭，用完就放低」，有人更建議「同佢講佢宜家係偷竊，你要報警」。亦有網民質疑店方為何沒有攔截，「點解個職員俾佢走？」、「正常店員唔會俾佢咁樣拎住走」。另有網民估計婦人是為了慳回1蚊膠袋徵費而出此下策，「膠袋要1蚊，直接用個籃」、「佢心諗：吓，膠袋收費？但無話膠籃收費喎」，更有人狠批「着得斯文，但內裏低級」、「已經去到連個籃唔攞得都要教嘅時代」。

超市自私行為接連曝光惹公憤

無獨有偶，近日另一宗超市公審事件同樣引起網民熱議。有家長被拍到在連鎖超市使用自助付款機時，抱著同行穿鞋女童直接踏上用作擺放食物的貨枱，期間更稱讚女童「識得啫條碼好叻叻」。即使被在場顧客大聲喝止，該家長只是轉至另一部自助付款機，繼續讓女童踩踏貨枱，完全無視他人勸阻。網民對此痛批「最X憎呢啲家長！完全沒公德心」、「佢有冇諗過啲人會將食物放上張枱到」、「唔好怪啲人厭童，全部都係啲冇家教嘅家長造成」，連串超市缺德行為令不少港人大嘆無奈。