餐廳叫碗湯盛出驚人物體 網民諧音梗「Samsung一湯」全場笑翻

食客盛湯驚見紫紅色手機殼浮現眼前

事主於Threads發文分享經歷，表示同屋企人去餐廳食飯時叫咗一碗湯，點知盛湯嗰陣竟然發現湯入面藏住一部手機，套住紫紅色保護殼，畫面極其荒誕。事主即時將手機撈起並拍照記錄，隨後詢問侍應手機物主係邊個，結果發現部手機竟然係負責送湯過嚟嗰位叔叔嘅。事主透露最終並無飲用該碗湯，又推測該名侍應可能因為工作太忙而完全無留意到手機跌咗落湯入面。事主更笑言：「我懷疑佢想換電話但老婆唔畀。」據悉該餐廳並非位於香港。

事件曝光後網民群起創作諧音梗笑翻全場

事件曝光後，大批網民湧入留言區，有人大玩諧音梗笑說係「Samsung（三餸）一湯」，即時引來其他網民大讚揚「香港人有屬於自己嘅諧音gag」、「近年見過最完美嘅食字」、「2026年最佳留言」。另有網民笑言「如果呢碗係粥，真係煲電話粥喇」、「今次真係可以補充『電』解質」、「食食下碗湯識響真係嚇死」、「如果開震機啲湯係咁郁以為地震添」。更有人問「有冇河神走出嚟問你：你跌嘅係金色嘅iPhone定係銀色嘅iPhone」，創意留言令帖文持續洗版。

網民細看照片發現視覺錯覺引發二次討論

除咗諧音梗之外，有眼利網民指出睇照片第一眼竟然無留意到白色湯勺，以為部手機識自己浮起，「點樣影到部電話自己識浮起」，其他網民紛紛「跟機」表示揚「same，我都有呢個錯覺」、「睇咗好耐先睇到支白色羹柄」，更有人笑說係「開咗飛行模式」所以先浮到。另有網民認真討論衛生問題，直言「其實部手機未必乾淨過曱甴」，畢竟手機表面細菌量驚人，浸落湯度再飲落肚後果不堪設想，慶幸事主一家最終無飲過該碗湯。