將軍澳連鎖湘菜館驚爆食安危機！店員出餐位公然伸手偷食 影片瘋傳同事反應更心寒

將軍澳店員出餐位公然偷食手勢極純熟

事發地點為將軍澳坑口連鎖食店「農耕記湖南土菜」，從網民上傳的影片可見，一名身穿黑色制服的男店員，正站在出餐位處理一碟餸菜。電光火石之間，他突然伸手從碟中折斷一小截食物，然後以極其純熟的手勢迅速放入口中，再若無其事地轉身走開。整個過程被鏡頭清晰拍下，而最令人心寒的是，旁邊另一名員工目睹全程，竟然毫無反應，似乎早已見怪不怪，令不少人質疑這種行為在店內是否已成常態。

影片曝光後網民群起洗版鬧爆離譜

事件曝光後，大批網民替食客不值，紛紛在各大群組洗版鬧爆！上傳影片的事主怒斥：「有人影到將軍澳坑口……農耕記湖南土菜啲外勞員工偷食客人餐，好彩我從來都無去」。不少網民留言狠批：「應該一直係咁偷食，食客先會一路拍住佢」、「入面煮果個食完，到遞出去果個『打荷』食，然後先到呢條友食咋」。更有網民分享過往經歷，指「有一次我見到佢啲廚師去完廁所唔洗手」，衛生情況令人憂慮。

行內人爆料行規「打貓」真相竟有暗黑一面

正當全城圍攻之際，有自稱任職飲食業的網民就出來「爆料」，指行內術語「打貓」（即員工偷食）存在已久，更直言：「基本上每個員工都會食客人嘅嘢，只係唔會咁XX喺廳面做」。有人狠批涉事店員做法不智：「老闆你睇到條片你會點做？點解你會請個白X癡嘅，偷食入廚房吖」。不過，亦有網民提出疑問，認為可能只是員工餐，「冇影到交俾食客喎」，但隨即被反駁指「員工餐？有晒擺盤喎」，事件真相依然撲朔迷離。