記者實測新宿店排長龍！主菜加¥2500起任食5款自家製芝士
這次記者實測的地點是位於新宿Lumine百貨內的「Good Spoon」，在星期日下午1點多到達時，門外已現人龍，足足等了約40分鐘才能入座。店員告知，在週末午市時段（早上11時至下午5時），只要點選任何主菜，即可享用芝士放題。主菜價錢豐儉由人，放題價格視乎主菜而定，平均消費約2,500至3,000日圓（約港幣$156-$187）。放題時間為90分鐘，當日供應5款新鮮芝士，包括Stracciatella、Fromage Blanc、Mozzarella、Mascarpone及芒果Mascarpone。店家之所以能提供如此划算的放題，全因店內設有「芝士工場」每日新鮮製作，大大降低成本，保證食客能以超值價錢品嚐到優質芝士。
激讚「國王肉醬意粉」！原個Burrata芝士爆漿畫面超震撼
記者點了盛惠3,157日圓的「國王肉醬意粉」（King’s Bolognese），一上枱就被意粉上原個飽滿的Burrata芝士所吸引。聽從店員建議，輕輕切開芝士，濃郁的忌廉芝士漿隨即湧出，與下層的肉醬完美融合，畫面極度震撼！濃厚的肉醬配上奶滑的芝士，味道層次豐富，令人一試難忘。食完主菜，記者馬上重回放題戰場，大讚Stracciatella（絲綢芝士）是全晚MVP！這款由Mozzarella絲與鮮忌廉混合而成的芝士，口感絲滑，奶味香醇，簡單配上蜜糖和黑椒已能將其鮮味提升至另一層次，讓人欲罷不能，一再encore！
總結CP值極高！記者教路必食呢款芝士回本兼附任飲餐湯
總括而言，這次芝士放題體驗絕對物超所值！在日本，芝士一向是高級食材，一小塊動輒過千日圓，這裡只需約港幣$156起就能任食，CP值極高。記者大力推薦，單是為了任食高品質的Stracciatella芝士已值回票價，而且餐廳還貼心提供任飲餐湯，完全不用怕會食到膩。不過餐廳人氣極高，尤其在週末，想去朝聖的朋友記得要提早到達排隊，才能有充裕時間享受這場芝士盛宴！
餐廳資料
Good Spoon Handmade Cheese & Pizzeria
地址：東京都新宿区西新宿1-1-5 ルミネ新宿LUMINE1 7F
營業時間：11:00 a.m.–10:30 p.m. (午市時段: 11:00 a.m.–5:00 p.m.)
