每日返工搭港鐵已經夠逼夠辛苦，想不到仲要提防各式各樣的「怪人」！近日有港女於社交平台怒訴，指在港鐵美孚站疑有「踩鞋佬」出沒，更專揀OL落手，令一眾打工仔人心惶惶！事主大呻自己已慘中招兩次，更目擊對方多次犯案，忍無可忍下當場對質，過程令人極度氣憤！
事主慘中招2次怒火大爆發 當場喝斥反被一句話激到彈起
事主在帖文中大呻，指該名「踩鞋佬」經常在早上8點至9點的繁忙時間，於美孚站出沒。該男子特徵為「孭背囊、帶帽、戴眼鏡」，專門「特登搵女仔對鞋嚟踩」，令受害人「輕則踩甩對鞋，重則仆倒」。事主表示自己已先後兩次被對方踩中，更曾親眼目睹另外兩人中招，怒斥「擺到明就係特登搵人嚟踩！」日前，事主再次遇上該男子，對方竟又故技重施，令她忍無可忍，當場大聲喝斥反擊！誰知對方見事敗，竟死撐自己當時「玩電話冇睇路」，隨後便心虛急步走人。
帖文引發群組洗版 網民鬧爆：身有屎所以行咁快！
事件曝光後，帖文隨即在群組洗版，大批網民替事主不值，鬧爆該男子「身有屎呀所以行咁快！」不少人更分享出類似的可怕經歷：「之前有遇過打側踢我高跟鞋跟，同人講仲俾人話我諗多咗」、「上次俾佢踩到冇出聲，我已經幾晚瞓唔着」。雖然有網民提出可能只是誤會，認為繁忙時間人多擠迫，但事主堅決反駁：「但係第一次俾佢踩完之後，有緣同佢相遇第二次，撞到佢望住人哋隻鞋嚟踩！答案唔係好明顯咩？」她強調，被踩第一下會當作不小心，但多次目擊後「我真係好肯定佢係特登！」
事主堅稱對方專揀返工鞋落手 網民提醒怪人愈嚟愈多
事主在留言中補充，經過多次觀察，她肯定對方「係鍾意踩人啲女仔返工鞋！」事件亦引發其他網民提醒，指香港近期「怪人」愈來愈多，有網民稱輕鐵站有故意「kick腳」的情況，西鐵站亦有類似的「踩鞋」事件，呼籲各位女士出入要格外留神。更有網民建議事主應該立即報警處理，認為手上有證據，對方行為已屬刻意，可以直接控告「普通襲擊」，將這些怪人繩之於法！
