日本女學生「原味校鞋」炒至$2500！污漬愈多愈值錢 買家指定要求極變態

「著足3年」原味校鞋索價$2500 污漬姓名成變態賣點

有商品更標榜來自埼玉縣，係一對「著過3年」嘅畢業紀念鞋，鞋身佈滿陳年污漬，起標價已經高達6,900日圓（約340港元）。呢類交易嘅買家要求相當奇怪，偏好保留學生姓名刺繡、班級資料，或者有明顯穿著痕跡嘅鞋款。經過多輪瘋狂競價後，有商品成交價更一度飆升至5萬日圓（約2,500港元）嘅天價，令人咋舌！

網民鬧爆性化未成年少女 個人資料外洩極度危險

事件曝光後，大批網民立即洗版鬧爆，直斥呢種交易根本係將女學生形象性化同商品化，行為可恥。有網民指出，交易核心根本唔係對鞋，而係將女學生嘅身份包裝成商品出售，性暗示意味極濃。更令人憂慮嘅係，部分鞋款保留學生姓名、學校甚至班級資料，隨時令未成年人嘅個人資料暴露於危險之中，後果不堪設想。報道更指，曾有家長為咗賺錢，強迫女兒穿著舊鞋擺拍再放上網出售，行為令人髮指。

平台急煞停全面禁售商品 專家警告隨時誤墮法網

面對呢股愈演愈烈嘅戀物交易歪風，日本大型二手交易平台Mercari終於出手，喺今年3月宣佈，全面禁止刊登被歸類為「ブルセラ」（販售女學生二手衣物）嘅相關商品。禁令範圍更由制服、泳衣，擴大到教科書、文具等所有可能被用作性化聯想嘅校園用品。法律專家亦警告，呢類涉及未成年人私人物品嘅性化交易，有機會觸犯兒童性剝削相關法例，即使賣方聲稱自願，只要內容涉及未成年人被性化或個資外洩，買賣雙方都可能要負上法律責任！