16歲仔著人字拖出事！以為只係擦傷低頭驚見腳趾甩咗出嚟…

香港人生活忙碌，好多人都係「低頭族」，邊行路邊覆message、睇片係等閒事。不過，呢個習慣隨時暗藏殺機！最近廣州就有一名16歲少年，因為一個不留神，竟然搞到腳趾都斷埋，過程極度驚心，諗起都覺得痛！

事主憶述恐怖經過踢中玻璃般尖石初時竟無痛感

事發當晚，該名16歲少年正正係犯了「低頭族」大忌，著住對人字拖喺街上面行，全程眼光都無離開過部手機。當佢行經一個路邊工地附近時，右腳突然踢中硬物，事主大呻當時痛感並不明顯，一心以為「只係擦破點皮」。點知佢一低頭望，先驚見右腳第二隻腳趾竟然已經成隻斷開、完全脫落，劇痛感先慢慢湧上嚟！佢形容嗰塊石仔「好似玻璃一樣咁尖」，就係咁一嘢就割斷咗佢隻腳趾，場面觸目驚心。

網民睇見都覺痛鬧爆低頭族壞習慣隨時攞命

事件曝光後，震撼畫面令大批網民嚇破膽，相關討論喺各大群組洗版！唔少網民都替事主感到肉痛，直言「睇見都痛」、「真係唔敢想像有幾恐怖」。同時，更多人鬧爆邊行路邊睇手機嘅壞習慣，紛紛留言提醒：「低頭族真係要小心，尤其喺工地或者路面唔平嘅地方」、「呢啲意外真係可大可小，隨時攞命！」亦有醫護人員背景嘅網民指出，人字拖保護力極低，踢到尖銳物件就好易直接受傷，呼籲大家出街最好著返包覆性好啲嘅鞋。