8周大BB太重磅！狗媽放棄用口叼 改用「滾球式」運送 網民睇到O嘴

未滿8周大巨嬰重磅到離譜 狗媽出盡力都叼唔起勁呻

事源國外一位飼主分享，家中未滿8周大的大白熊幼犬，長得實在太過「壯碩」，肚子圓碌碌到幾乎貼實地面，十足一粒「肉球」。當狗媽媽想如常叼住牠頸後的皮膚帶回窩時，卻發現完全超出負荷！影片可見，狗媽媽試了幾次都無法成功將「巨嬰」叼起，BB更一度滑落，最後狗媽媽索性放棄，改用鼻子當波踢，將呢隻「有生命的小巨石」一路「滾」返屋企，場面極度搞笑！

影片曝光網民群起洗版 驚呼狗媽奶水有魔法

影片一出，隨即在TikTok上引發洗版式討論，大批網民都被呢個溫馨又滑稽嘅畫面笑爆！更令人驚訝嘅係，原來同胎另外兩隻幼犬同樣體型壯碩，網民紛紛驚呼：「這媽媽的奶水一定有什麼魔法，竟然能養出三隻同規格的巨嬰！」、「睇到狗媽媽個樣都覺得佢好無奈」、「根本係滾湯圓返屋企！」

巨B三兄弟身世曝光 未來或繼承狗媽神聖工作

原來，呢群可愛的「小胖汪」與狗媽媽目前生活在一個牛場內，而大白熊犬天生就是出色的牲畜守衛犬，狗媽媽平日就負責守護農場安全。據悉，未來這幾隻幼犬好大機會會留在農場，繼承媽媽的神聖工作，成為強壯可靠的守衛犬。不過，亦有網民搞笑提醒，如果三隻巨B都留低，農場日後嘅伙食費恐怕會相當可觀！