日本Starbucks士多啤梨飲品回歸！記者實測升級版：朱古力星冰樂被封「阿波羅神級飲品」

又到士多啤梨當造的季節，各位日本迷最期待的年度盛事之一，必定是日本Starbucks的士多啤梨系列飲品！今年Starbucks再度出擊，於5月11日推出兩款號稱「升級版」的限定飲品，分別是「濃厚士多啤梨牛奶」及「士多啤梨朱古力星冰樂」。有日本記者率先實測，究竟今次升級版係咪真係咁驚為天人，值得大家專程去朝聖？

日本記者實測620円士多啤梨奶大讚口感完勝舊版

首先登場的是售價620日圓（約31港元）的「濃厚士多啤梨牛奶」（Chunky Strawberry Milk）。據記者K. Masami實測，飲品外觀與去年的版本分別不大，杯底同樣有滿滿的士多啤梨果肉。但一啖飲落去，口感卻有天淵之別！她大讚今年的版本經過改良，牛奶被打至極致順滑輕盈，充滿空氣感，反而令士多啤梨果肉的口感更加突出。雖然輕盈到令她覺得牛奶份量可以再多一點，但整體果香與奶香的平衡堪稱完美，味道比舊版濃郁得多，形容「似一杯全新的飲品」！

745円朱古力星冰樂登場被粉絲封為「阿波羅神級飲品」

飲完牛奶，另一杯售價745日圓（約37港元）的「士多啤梨朱古力星冰樂」（Strawberry Chocolate Frappuccino）更令人期待！這款星冰樂是在去年大受歡迎的士多啤梨星冰樂基礎上，加入了朱古力脆脆和朱古力醬。原來這個配搭去年已被粉絲們瘋狂追捧，更被封為「阿波羅」特調，因為味道與日本國民零食「阿波羅朱古力」幾乎一模一樣！記者試飲後亦表示認同，酸甜的士多啤梨配上香滑牛奶，再加上朱古力脆脆的口感，層次極之豐富，令人一試難忘，大讚是「真正令人滿足的飲品」。