日本Starbucks每次推出新品都成功引起話題，次次都令一眾粉絲乖乖獻上荷包！今個5月，Starbucks又嚟喇，除了帶來兩款充滿夏日氣息的士多啤梨特飲，更破天荒踩過界，推出一款令日本女生陷入瘋狂的聯乘周邊，唔少人已經磨拳擦掌準備瘋搶，想知係咩？即刻睇內文！

Starbucks日本推2款士多啤梨新品！滿滿果肉感＋朱古力脆脆超邪惡

飲品方面，Starbucks今次主打兩款「Chunky」系列特飲，誓要用豐富口感衝擊大家味蕾！第一款是「士多啤梨果肉牛奶」（Chunky Strawberry Milk），作為去年大熱飲品的進化版，今次加入更多士多啤梨果肉，每一啖都飲到香甜果粒，口感超豐富，外賣價為609円。另一款則是「士多啤梨朱古力星冰樂」（Strawberry Chocolate Frappuccino），將酸甜士多啤梨同香濃朱古力完美結合，更加入朱古力脆脆增加層次感，口感極邪惡，外賣價為732円，各位士多啤梨迷絕對不能錯過！

破天荒聯乘美甲品牌Ohora！3款主題Gel甲貼盛惠2,750円

飲品固然吸引，但今次真正嘅主角，竟然係估你唔到嘅美甲產品！Starbucks首次與人氣自家美甲品牌Ohora合作，推出三款限定Gel甲貼，讓大家可以將心愛飲品「著」上手！三款設計分別是配合今期新品的「士多啤梨牛奶」款、充滿咖啡拉花藝術感的「雙份濃縮鮮奶咖啡」款，以及經典必儲的「Starbucks綠色」款，上面更有杯身寄語等精緻圖案。每套盛惠2,750円，絕對是粉絲必搶的收藏品，用來打卡呃Like更係一流！

粉絲注意5月11日開搶！期間限定網店獨家發售手慢即無

各位粉絲要mark實日子喇！兩款全新飲品將於5月11日起在日本全國Starbucks分店登場（會員可於5月8日優先品嚐）。而萬眾期待的3款聯乘Gel甲貼，則會於5月11日早上6時起，在官方網上商店獨家發售。根據過往經驗，呢類期間限定聯乘產品通常極速售罄，想入手的朋友仔記得校定鬧鐘，準備準時開搶，手快有手慢無！