情侶裝貼頭照放閃度爆燈
最搶眼當然係同老公馬國明嘅合照，兩公婆一深一淺色恤衫上陣，畫面極度有默契，配襯到變成低調情侶裝。相入面佢哋頭貼頭對住鏡頭笑得好甜，靚湯手上仲拎住一大束鮮花，幸福指數即刻衝頂。呢種唔浮誇但好自然嘅放閃方式，完全係成熟夫妻之間先有嘅默契，難怪網民留言大讚「簡簡單單已經好浪漫」、「睇相都感受到佢哋幾恩愛」，睇得人心都暖埋。
索爆細妹變最Sweet電燈膽
除咗老公陪伴，靚湯今年生日仲有家人齊齊撐場，當中最搶鏡就係索爆細妹湯樂瑤。兩姊妹影合照時着住同款造型，隔住屏幕都感覺到嗰份「姊妹孖公仔」默契，似足由細玩到大嗰種親密關係。雖然佢笑言妹妹今次做足「電燈膽」身份，一齊加入同姐夫食生日飯，但兩姊妹笑得咁開心，就知一家人感情有幾好。好多粉絲都話好羨慕靚湯，同時擁有一位錫到入心嘅老公，仲有可以一齊扮靚打卡嘅高質妹妹，呢種家庭氛圍真係好加分。
湯洛雯狀態大勇孖老公馬國明賀牛一
湯洛雯在社交平台曬出與馬國明共進燭光晚餐，馬明更貼心送上一大紮鮮花，令靚湯感動不已兼更配文感動道：「很幸運，能被我親愛的朋友、珍貴的家人和我出色的丈夫包圍。你們總是讓我感到特別。謝謝你們給我帶來的所有驚喜，我的愛人，今年你絕對讓我大吃一驚！掌聲！」
馬國明亦在留言區深情回應：「老婆……生日快樂……😘😘😘」二人的甜蜜互動引來網民紛紛送上祝福，留言表示：「曬死人啦」、「Happy Birthday 但會唔會太閃」、「要戴返副黑超」！
湯洛雯自拍低調曬1名貴物件
除了夫妻恩愛，湯洛雯的自拍中的Hermès Kelly黑色銀扣手袋意外成為焦點。據悉這款手袋價值約20萬元，盡顯湯洛雯的奢華品味。網民除咗送上生日祝福之餘，也忍唔住將注意力轉向這只搶鏡的手袋上，兼留言大讚湯洛雯真係嫁啱人！
孕味濃畫畫引猜測 馬國明畫作藏玄機
早前湯洛雯與馬國明一同前往畫室體驗繪畫，但分享的照片卻意外掀起熱議。湯洛雯在相中以寬鬆上衣示人，不過就被指腹部微微隆起，孕味甚濃。更有網民稱馬國明的畫作中出現了一位孕婦形象，令人聯想到湯洛雯可能已經有孕。網民亦紛紛推測：「看起來像有喜了！」「可能是懷孕初期，還沒公布吧！」不過二人對此尚未正式回應，但仍令唔少網民十分期待。
