開箱3分鐘即收工！YouTuber抽中《遊戲王》1張卡全場瘋狂網民驚呼：挖到礦！

唔少人都鍾意玩集換式卡牌遊戲，除咗係童年回憶，分分鐘仲可以一夜致富！近日台灣知名YouTube頻道「OTK雙螺旋宅特工」開箱《遊戲王》卡包，點知影片開始唔夠3分鐘，就抽中全球僅限量100張嘅「青眼白龍」神卡，估值高達500萬日圓（約25萬港元），令事主當場嚇到唔識反應，大批網民湧入留言直呼超羨慕！

3分鐘即收工！YouTuber開箱實測一擊即中神卡

事主「OTK雙螺旋宅特工」成員堯哥，喺卡店老闆協助下，成功入手日本原廠進口嘅「日紙」版本卡盒，據稱比韓國代理製作嘅「韓紙」版本更具收藏價值。點知好戲在後頭，開箱先到第一盒，影片開始唔夠3分鐘，老闆已經眼利發現牌組中有一張黑邊限量卡，全場瞬間靜默！堯哥小心翼翼揭曉，竟然就係全球限量100張嘅「青眼白龍」，編號仲要係第47號！三人即時激動到瘋狂尖叫，事主更嚇到大呻：「我要發瘋了」、「心臟跳超快」！

網民洗版式祝賀！驚嘆一張卡價值等於挖到礦

事件曝光後，影片隨即引爆網民熱議，大批網民替事主感到高興，紛紛湧入留言祝賀，更洗版式留言大讚佢哋好彩：「這是我看過最短的開箱，因為後面沒必要拍了」、「一張卡扛起整箱價值，真的是挖到礦了」、「老闆教了堯哥怎麼經營卡店不會倒閉，就是自己開出百萬神卡」、「封牌！誰都不准靠近那張桌子」。唔少人都話睇到眼紅紅，簡直係「別人的運氣總不讓人失望」嘅最佳示範！