悠長假期｜李佳芯《學是學非》扮山口智子舊片翻hit 網民：男主角靚仔過Edan

Q: 還有什麼演唱會消息？

無論是本地歌手還是外地歌手都即將在香港舉行演唱會，即睇： 演唱會時間表及購票資訊 ，包括 MIRROR演唱會門票兌換安排 、 容祖兒 、 鄭秀文 、 張學友 、 鄭中基 、 溫拿 、 羅志祥 等。

Q: 除了演唱會，還有什麼消閒娛樂活動？

喜愛宅在家的話，觀看 Netflix劇集 和 BL劇 最好不過。如果喜歡外出走走的你，也可到這些 室內好去處 室內遊樂場、溜冰場、自助烘焙店等盡玩室內活動。想要親親大自然，也可到離島走一走，即睇： 離島行程攻略 或是行山，這些 行山好去處 路線簡易，新手也適合。

ViuTV日前宣布將會開拍港版《悠長假期》，由視后李佳芯（Ali）夥拍呂爵安（Edan）擔任男女主角，消息一出即時引爆全城熱話！正當大家熱烈討論新版選角之際，Ali昔日《學是學非》好姊妹麥美恩（Mayanne）竟然喺社交平台投下震撼彈，翻出一條Ali多年前「預演」山口智子嘅陳年舊片，唔單止被網民封為「神預言」，片中嘅男主角仲意外被激讚「靚仔過Edan」，究竟係何方神聖？

ViuTV翻拍神劇悠長假期全城熱話

由木村拓哉同山口智子主演嘅經典日劇《悠長假期》喺30年前播出後瘋魔全亞洲，被喻為神級作品。ViuTV日前宣布取得授權開拍港版，並由李佳芯飾演「葉山南」（山口智子飾）、呂爵安（Edan）飾演「瀨名秀俊」（木村拓哉飾），而江𤒹生（AK）則飾演Ali細佬。呢個全新組合即時引起網民激烈討論，更令原版劇集再度翻Hit，喺Netflix嘅本地點播排行榜一度飆升到第二位，可見其經典地位不減。

麥美恩驚爆Ali黑歷史神預言片段曝光

正當討論得如火如荼之際，麥美恩就喺網上分享一條驚人片段，原來李佳芯早喺多年前主持TVB節目《學是學非》時，已經扮演過《悠長假期》女主角「山口智子」，仲同湯博士一齊搞笑還原劇中由3樓掉彈力球嘅經典場面！雖然片中挑戰失敗，但場面極之搞笑。Mayanne嘅呢個「考古大發現」即時令網民嘖嘖稱奇，忍唔住話呢個係「跨時空神預言」！

湯博士意外跑出網民激讚靚仔過Edan

最估唔到嘅係，網民嘅焦點竟然落喺當年扮演「木村拓哉」嘅湯博士身上！唔少網民睇完條片之後，竟然大讚湯博士個樣好得，仲話佢靚仔過新版男主角Edan，留言包括：「湯博士勁似木村😂」、「呢個靚仔過Edan」、「原來已經有前傳」。呢個意外嘅顏值大比拼，令到成件事更加有話題性，湯博士可以話係意外跑出，人氣急升！

網民驚嘆冥冥中注定期待Ali新演繹

對於Ali早喺十幾年前已經「演過」葉山南，網民都覺得好神奇，紛紛留言話一切都係整定嘅！有網民驚嘆：「神預言🙃」、「Ali 估唔到有日真係會遇到葉山南呢個角色」、「真係冥冥之中啊😆」。唔少粉絲都多謝麥美恩搵返呢條咁珍貴嘅片段，仲話：「你好正呀，咁都俾你記得起，搵返條片 🤣🤣🤣」。同時，大家亦都非常期待Ali今次喺ViuTV新劇嘅正式演繹，留言表示：「Ali真心合適做這角色💖💖」、「好耐冇睇佢做戲，好期待🥰」。