深圳公園最近驚現「藍湖」奇景，原本清澈的湖水竟被染成一片詭異的天藍色，與周邊環境格格不入，場面極度震撼！有市民直擊整個過程，發現罪魁禍首竟然是一名大媽，為咗區區4個油漆桶，就將整個公共湖泊當成自家洗手盤，離譜行徑令人咋舌，影片曝光後即時引爆網民怒火！

直擊大媽自私行徑4個油漆桶染藍成個湖

事發喺深圳龍崗區一個文體公園，有市民途經時，目擊一名戴帽女子正在湖邊埋頭苦幹。從網上瘋傳嘅影片可見，該女子將4個藍色油漆桶逐一浸入湖中清洗，桶內殘餘嘅藍色油漆隨即湧出，瞬間將大片湖水染成「Tiffany Blue」，水面更漂浮著不明殘留物，與旁邊未受污染嘅清澈湖水形成強烈對比。整個過程被完整拍下，自私行為實在令人看不過眼。

影片瘋傳網民群起公審怒斥應即時報警

事件曝光後，影片即時在各大社交群組洗版，大批網民替公園環境不值，群起公審該名女子！網民紛紛鬧爆其行為極度自私，完全罔顧公德心，「為咗幾個爛膠桶，搞到成個湖都毀了」、「應該即刻報警拉人啦！」，更有網民怒斥這種貪小便宜的行為，最終要由納稅人埋單去修復環境，實在不能接受。

官方回應揭驚人內情急驗水質承諾加強巡查

面對群情洶湧，當地街道辦火速回應，經初步調查後揭開事件內情。原來涉事油漆桶係附近籃球場改造工程後剩下嘅空桶，該名居民疑因貪小便宜，想將空桶洗乾淨後「二次利用」拎返屋企用，先會做出如此缺德行為。官方強調，事後已即時對水質進行快速檢測，證實指標符合標準，未造成有毒污染，並已安排抽水清理，恢復湖面原貌。當局承諾未來會加強巡查管理，杜絕同類事件再發生。