去旅行搭飛機絕對係行程最期待嘅環節之一，如果咁好彩撞到個靚仔機師，成個旅程肯定開心幾倍！最近就有位日菲混血機師喺網上大爆紅，憑住陽光型男嘅外貌，IG喪吸超過24萬粉絲，唔少港女睇完佢啲相都心心眼，仲話下次搭飛機真係要吼實啲！
激罕日菲混血陽光型男外貌猶如日劇男神
呢位掀起熱話嘅機師叫Hideki Oda，現年30歲，身高175cm，擁有日本同菲律賓血統，深邃五官加埋一身健康小麥色肌膚，簡直係陽光大男孩嘅完美化身！佢唔止樣貌出眾，仲好樂意喺IG分享自己做機師嘅專業日常，例如起飛前一絲不苟咁檢查飛機，滿足晒大家對航空業嘅好奇心。最屈機嘅係，佢最近仲嚟過香港旅遊，話唔定唔少人都同呢位男神擦身而過！
網民洗版式跪求航班資料誓要野生捕獲
事件曝光後，大批網民為之瘋狂，個個都話佢好似日劇男主角，留言區即刻被洗版！唔少絲打都話「好想即刻買機票捧場」、「點樣先可以撞到佢」、「求航班編號」，更有人搞笑話想畀佢「揸」，睇嚟大家都好想喺飛機上野生捕獲呢位型男機師，親身感受佢嘅魅力。
謎底終於解開原來效力呢間美國航空公司
咁多位準備出國嘅港人最關心嘅，一定係佢到底喺邊間航空公司執飛。謎底終於解開，原來Hideki現正效力於美國聯合航空（United Airlines）！大家下次如果搭聯合航空去旅行，真係要擘大眼望清楚，話唔定駕駛艙入面坐緊嘅就係呢位狂吸24萬粉絲嘅超人氣型男機師！
